इंडोनेशियाच्या बोर्निओ बेटावर दोन पाम ऑइल प्लांटेशन दरम्यान उड्डाण करणारे हेलिकॉप्टर कोसळल्याने मोठा अपघात घडला आहे. या अपघातात सर्व आठ जणांचा मृत्यू झाला आहे. ही माहिती इंडोनेशियाच्या अधिकाऱ्यांनी आज म्हणजेच शुक्रवार १७ एप्रिल रोजी दिली.
राष्ट्रीय शोध व बचाव संस्था आणि परिवहन मंत्रालयाच्या माहितीनुसार, शोध पथकांनी नंतर सेकाडाऊ जिल्ह्यातील दाट जंगलात हेलिकॉप्टरचा अवशेष शोधून काढला. त्यानंतर दोन कर्मचाऱ्यांसह सहा प्रवाशांचे मृतदेह बाहेर काढण्यात आले. मृतांमध्ये एका मलेशियन नागरिकाचाही समावेश आहे.
सुमारे २७ कोटी लोकसंख्या असलेला इंडोनेशिया हा विशाल द्वीपसमूह देश असून, येथे वाहतूक अपघातांची समस्या कायम आहे. विमान, हेलिकॉप्टर दुर्घटना तसेच फेरीबोट बुडण्याच्या घटना येथे वारंवार घडत असतात.