अमेरिकेचे राष्ट्राध्यक्ष डोनाल्ड ट्रम्प (Donald Trump) आणि फर्स्ट लेडी मेलानिया ट्रम्प (Melania Trump) यांना व्हाईट हाऊस करस्पाँडेंट्स डिनरदरम्यान अचानक बाहेर काढण्यात आल्याने एकच खळबळ उडाली. कार्यक्रमादरम्यान गोळीबार झाल्याची माहिती समोर आल्यानंतर सुरक्षा यंत्रणा तात्काळ सतर्क झाली.
घटनेनंतर सुरक्षा यंत्रणांनी परिसराला तात्काळ वेढा घालत तपास सुरू केला आहे. गोळीबाराची नेमकी कारणे आणि हल्लेखोरांविषयी अद्याप अधिकृत माहिती समोर आलेली नाही. मात्र, कोणतीही जीवितहानी झाल्याची माहिती सध्या तरी मिळालेली नाही.
या घटनेमुळे अमेरिकेतील उच्चस्तरीय कार्यक्रमांच्या सुरक्षेवर पुन्हा एकदा प्रश्नचिन्ह निर्माण झाले असून, प्रशासनाकडून तपासाची गती वाढवण्यात आली आहे.