जालना : पुणे, अकोला आणि आता जालना मुलींवर होणाऱ्या अत्याचारांची भयानक मालिका सुरु झाली आहे. महाराष्ट्र या घटनांनी हादरून गेला आहे. राज्यभर संतापाची लाट उसळत आहे. असाच एक संतापजनक, माणुसकीला काळीमा फासण्याचा प्रकार जालनामध्ये घडला आहे. शिवाय लव्ह जिहाद हा देखील मुद्दा या घटनेत सामावलेला आहे.
नेमकी घटना काय ?
सतत १० वर्षांचा अत्याचार आणि धर्म बदलण्याची सक्ती पीडितेला असह्य झाली. २०१६ पासून सुरु असलेल्या या ब्लॅकमेलिंगच्या प्रकाराला पीडितेने हिंमत एकवटून पोलिसांसमोर वाचा फोडली आहे. २०१६ मध्ये पीडिता नववीत शिकत होती. घरात कोणी नव्हते, पीडिता अंघोळ करत होती, त्या संधीचा फायदा उचलत एका मुस्लिमने शेख इम्रान शेख हबीब याने घरात घुसून तिचे विवस्त्र फोटो काढले. फोटो शाळेत दाखवण्याची धमकी देत, पीडितेला ब्लॅकमेल करण्यास सुरुवात केली.
जाचाला कंटाळून गाव देखील बदलले परंतु तिथे आरोपीने तिचा पिच्छा सोडला नव्हता. मार्च २०१८ मध्ये फोटो व्हायरल करण्याची धमकी देत पहिल्यांदा तिच्यावर अत्याचार केला. आरोपीने पुन्हा सर्व मर्यादा ओलांडत ८ मार्च २०२६ ला पीडितेला अमानुष मारहाण केली.
शेखच्या कुटुंबाचा धर्म बदलण्यास दबाव
आरोपीच्या संपूर्ण कुटुंब या प्रकरणात सामील होते. पीडितेला धमकी देत घरी बोलावून घेतले. आणि हिंदू धर्मापेक्षा आमचा धर्म चांगला असे म्हणत तिला धर्म बदलण्यासाठी प्रवृत्त केले. तिला बुरखा घालायला जबरदस्ती केली जात होती. तिच्याकडून नमाज तसेच कुराण पठण करण्याची सक्ती केली जात होती.
आरोपी आणि त्याच्या कुटुंबाला अटक करण्यात आहे. पोलीस अधिक तपास करत असून कुटुंबातील सदस्यांनवर पोक्सो अंतर्गत गुन्हा दाखल करण्यात आला आहे.