मुंबई : जिओ स्टुडिओज (Jio Studios) आणि मुंबई फिल्म कंपनी (Mumbai Film Company) निर्मित ‘राजा शिवाजी’ (Raja Shivaji Movie) या भव्य ऐतिहासिक चित्रपटातील ‘फूल पारिजात’ (Phool Parijat) हे नवं गाणं रिलीज झालं आहे. छत्रपती शिवाजी महाराज (Chhatrapati Shivaji Maharaj) आणि महाराणी सईबाई (Maharani Saibai) यांच्या नात्यातील प्रेम, समर्पण आणि आत्मीयतेची हळवी भावना या गीतातून सुंदररीत्या मांडण्यात आली आहे. युद्धभूमीवर शौर्य गाजवणाऱ्या महाराजांचं कोमल, भावनिक आणि प्रेमळ रूप या गाण्यातून प्रेक्षकांना अनुभवायला मिळत आहे.
अजय-अतुल (Ajay-Atul) यांच्या सुरेल संगीताने सजलेलं हे गाणं शांत, भावपूर्ण आणि अभिजात शैलीत साकारण्यात आलं आहे. प्रसिद्ध गायिका श्रेया घोषाल (Shreya Ghoshal) यांच्या मधुर आवाजामुळे गीताला आणखी भावनिक स्पर्श मिळाला आहे. गीतातील प्रत्येक शब्द आणि सूर सईबाईंच्या मनातील प्रेम, भक्तिभाव आणि समाधान प्रभावीपणे व्यक्त करताना दिसतो.
‘फूल पारिजात’ या शीर्षकातही एक सुंदर भावार्थ दडलेला आहे. पारिजाताच्या फुलाचं रूपक वापरत सईबाईंच्या आयुष्यात महाराजांचं स्थान एखाद्या दैवी आशीर्वादासारखं असल्याची भावना गीतातून प्रकर्षाने जाणवते. त्यामुळे हे गाणं केवळ एक Romantic Song न राहता, एका पवित्र आणि आत्मीय नात्याची भावपूर्ण अभिव्यक्ती ठरतं.
स्वराज्य, संघर्ष आणि युद्धाच्या पार्श्वभूमीवर ‘फूल पारिजात’ हे गाणं चित्रपटात एक शांत आणि भावनिक क्षण निर्माण करतं. सईबाईंच्या नजरेतून उलगडणारं महाराजांचं प्रेमळ रूप प्रेक्षकांच्या मनाला भिडत असून, सोशल मीडियावरही या गाण्याची जोरदार चर्चा सुरू आहे.
पाहा ‘फूल पारिजात’ (Phool Parijat Song) चा संपूर्ण Video :