Petrol-Diesel Price Hike : पेट्रोल-डिझेल दरवाढीचा मोठा झटका! मुंबईत पेट्रोल १०६ पार, जाणून घ्या नवे दर

May 15, 2026 09:26 AM

मुंबई : देशभरातील नागरिकांना पुन्हा एकदा महागाईचा झटका बसला आहे. तेल कंपन्यांनी शुक्रवार, १५ मेपासून पेट्रोल आणि डिझेलच्या दरात प्रतिलिटर सुमारे ३ रुपयांची वाढ केली आहे. ही दरवाढ तत्काळ लागू करण्यात आली असून देशातील प्रमुख महानगरांमध्ये इंधनाचे नवे दर लागू झाले आहेत.

मुंबईत पेट्रोलच्या दरात ३.१४ रुपयांची वाढ झाली असून आता पेट्रोलचा दर १०६.६८ रुपये प्रतिलिटर झाला आहे. तर डिझेलचा दर ३.११ रुपयांनी वाढून ९३.१४ रुपये प्रतिलिटरवर पोहोचला आहे.

दिल्लीमध्ये पेट्रोलचा दर ९७.७७ रुपये प्रतिलिटर झाला असून डिझेल ९०.६७ रुपये प्रतिलिटरवर पोहोचले आहे. कोलकात्यात पेट्रोल १०८.७४ रुपये आणि डिझेल ९५.१३ रुपये प्रतिलिटर झाले आहे. चेन्नईमध्ये पेट्रोल १०३.६७ रुपये तर डिझेल ९५.४७ रुपये प्रतिलिटर दराने विकले जात आहे.

इंधन दरवाढीमागे पश्चिम आशियातील तणाव, वाढलेले जागतिक कच्च्या तेलाचे दर आणि तेल कंपन्यांवर वाढलेला आर्थिक ताण ही प्रमुख कारणे असल्याचे सांगितले जात आहे. भारत सरकारकडे सध्या सुमारे ६० दिवसांचा इंधनसाठा आणि ४५ दिवसांचा एलपीजी साठा उपलब्ध असल्याची माहिती अधिकाऱ्यांनी दिली आहे.

देशातील काही प्रमुख शहरांतील पेट्रोलचे नवे दर पुढीलप्रमाणे आहेत: