IPL 2026 : आयपीएल २०२६ मध्ये आज १७ मे रोजी पंजाब किंग्स विरुद्ध रॉयल चॅलेंजर्स बंगळुरू अशी निर्णायक लढत होणार आहे. हा सामना हिमाचल प्रदेश असोसिएशनच्या धरमशाला स्टेडियमवर खेळला जाणार आहे. हा सामना या हंगामातला ६१ वा सामना आहे .आता फक्त ९ साखळी सामने उरलेले आहेत . त्यामुळे टॉप पाच संघांमध्ये जोरदार लढत पाहायला मिळत आहे. हा सामना दुपारी ३:३० वाजता खेळला जाणार आहे. विशेष, म्हणजे या मैदानावर पंजाबला गेल्या १५ वर्षापसून आरसीबीला हरवण्यात यश आले नाही आहे.
श्रेयस अय्यरच्या नेतृत्वात पंजाबने हंगामाची सुरुवात चांगली केली होती. पण सलग पाच पराभव झाल्यामुळे त्यांच्यासाठी प्लेऑफचे आव्हान कठीण झाले आहे. पंजाबला प्लेऑफमध्ये जाण्यासाठी आता उर्वरित दोन्ही सामने जिंकण्याची आवश्यकता आहे. यापैकी एक सामना आज आहे. तर आरसीबी प्लेऑफसाठी पात्र झाली आहे. रजत पाटीदारच्या नेतृत्वात आरसीबीने १२ पैकी ८ सामने जिंकत १६ गुणांसह प्लेऑफमध्ये प्रवेश केला आहे. पंजाबने १२ पैकी ६ सामने जिंकत १३ गुण मिळवले आहेत. त्यांना एक सामना पावसात वाहून गेल्यामुळे गुणांच्या बाबतीत थोडा फायदा झाला आहे. पण प्लेऑफमध्ये जाण्यासाठी त्यांना आरसीबी आणि लएसजी या दोन्ही संघांना हरवणे आवश्यक आहे.आरसीबीसाठी विराट कोहलीने या हंगामात सर्वाधिक धावा केल्या आहेत. त्याने १२ सामन्यात ४८४ धावा केल्या आहेत. गोलंदाजीत भुवनेश्वर कुमारने १२ सामन्यात २२ विकेट्स घेतल्या आहेत. प्रभसिमरनने या हंगामात पंजाबसाठी सर्वाधिक धावा केल्या आहेत. त्याने १२ सामन्यात ४३९ धावा केल्या आहेत. अर्शदीप सिंहने १२ सामन्यात १३ विकेट्स घेतल्या आहेत.
निकालाचा परिणाम चेन्नईवर होणार ?
चेन्नई सुपरकिंग्स सध्या या हंगामात सहाव्या स्थानावर आहे. संघाने १२ पैकी सहा सामने जिंकले आहेत. चेन्नईचे सध्या १२ गुण आहेत. सर्व सामने जिंकले तरी चेन्नईला १६ गुण पर्यंत मजल मारता येईल . मात्र पंजाब आज जिंकली तर चेन्नईचे प्लेऑफ आव्हान संपुष्टात येईल. पंजाबचे आता १३ गुण आहेत व त्यांचा नेट रन रेट चेन्नईपेक्षा चांगला आहे. त्यामुळे आज पंजाबचा विजय चेन्नईसाठी तोट्याचा ठरू शकतो.
हेड टू हेड
आयपीएल इतिहासात पंजाब आणि आरसीबीमध्ये आता पर्यंत ३७ सामने झाले आहेत. यात आरसीबीने १९ तर पंजाबने १८ सामने जिंकले आहेत.
कशी असेल खेळपट्टी ?
पंजाब आणि आरसीबीचा सामना धरमशाला स्टेडियमवर खेळला जाणार आहे. यंदाच्या आयपीएलमध्ये आतापर्यंत धरमशालाच्या खेळपट्टीवर दोन सामने झाले आहेत. हे सामने प्रथम गोलंदाजी करणाऱ्यांनी जिंकले आहेत. यामुळे नाणेफेकीचा कौल सामन्याच्या निकालावर प्रभाव टाकण्याची शक्यता आहे.
प्लेइंग-XI
रॉयल चॅलेंजर्स बंगळुरू : विराट कोहली, जॅकब बेथेल, देवदत्त पडिक्कल, रजत पाटीदार (कर्णधार), जितेश शर्मा (यष्टीरक्षक), टिम डेव्हिड, कृणाल पंड्या, वेंकटेश अय्यर, भुवनेश्वर कुमार, जोश हेजलवुड आणि जॅकब डफी।
इम्पॅक्ट प्लेयर: रसिक सलाम।
पंजाब किंग्स: प्रियांश आर्या, प्रभसिमरन सिंग (यष्टीरक्षक), कूपर कोनोली, श्रेयस अय्यर (कर्णधार), सूर्यांश शेडगे, शशांक सिंग, अझमतुल्ला ओमरझाई, विजयकुमार वैशाख, मार्को यानसन, अर्शदीप सिंग आणि युजवेंद्र चहल।
इम्पॅक्ट प्लेयर: विष्णू विनोद।