Mumbai : Drishyam 3 ने रिलीज होताच बॉक्स ऑफिसवर वादळ निर्माण केले आहे. (मोहनलाला) Mohanlal यांच्या या बहुप्रतिक्षित चित्रपटाला प्रेक्षकांकडून तुफान प्रतिसाद मिळाला आहे. अवघ्या दोन दिवसांत सिनेमाने कमाईचे अनेक विक्रम मोडले आहेत. सस्पेन्स, थ्रिल आणि दमदार स्टोरी लाईनमुळे प्रेक्षकांनी चित्रपटाला डोक्यावर घेतले आहे. दिग्दर्शक जीतहू जोसेफ (Jeethu Joseph) यांच्या या चित्रपटाची रिलीज होण्यापूर्वीच जोरदार चर्चा रंगली होती. अॅडव्हान्स बुकिंगमध्येही सिनेमाने दमदार प्रतिसाद मिळवला होता.
दोन दिवसांत किती कमाई?
पहिल्याच दिवशी दृश्यम 3 ने 15.85 कोटी रुपयांची शानदार ओपनिंग केली आहे. दुसऱ्या दिवशी कमाईत किंचित घट झाली असली, तरी चित्रपटाने 11.05 कोटी रुपयांचे नेट कलेक्शन केले. रिपोर्टनुसार, दोन दिवसांत चित्रपटाचे भारतातील कलेक्शन 26.90 कोटी रुपयांवर पोहोचले आहे, तर ग्रॉस कलेक्शन 31.18 कोटी रुपये झाले आहे.
विदेशातही मोहनलालचा दबदबा
भारतात कमाईत थोडी घसरण झाली असली, तरी परदेशात मात्र सिनेमाचा जलवा कायम आहे. दुसऱ्याच दिवशी चित्रपटाने विदेशात जवळपास 20 कोटी रुपयांची कमाई केली. त्यामुळे चित्रपटाची एकूण ओव्हरसीज कमाई 45 कोटी रुपयांवर पोहोचली आहे. याचबरोबर दृश्यम 3 चे वर्ल्डवाइड कलेक्शन अवघ्या दोन दिवसांत 76 कोटी रुपयांहून अधिक झाले आहे. त्यामुळे या चित्रपटाची सोशल मीडियावर जोरदार चर्चा होत आहे.
6 सिनेमांना टाकले मागे
दृश्यम ३ ने अवघ्या दोन दिवसात सर्वाधिक कमाई करणाऱ्या सिनेमांच्या गटात प्रवेश केला आहे. सध्या २०२६ मध्ये सर्वाधिक कमाई करणाऱ्या सिनेमांच्या यादीत वाझा २, आडू २ आणि पॅट्रियट या सिनेमांचा समावेश आहे. याच्यांनतर आता दृश्यम ३ ने स्थान मिळवले आहे.
२०२६ मध्ये सर्वाधिक कमाई करणारे टॉप १० सिनेमा
वाझा 2: 238.46 कोटी
आडू 3: 121.31 कोटी
पॅट्रियट: 80.51 कोटी
दृश्यम 3: 76 - 78 कोटी (2 दिवस )
अथिराडी: 54.69 कोटी
भरतनाट्यम 2 मोहिनीअट्टम: 40.63 कोटी
चथा पाचा: 33.47 कोटी
प्रकम्बनम: 20.86 कोटी
पल्लीचट्टंबी: 14.49 कोटी
आशाकाल आयराम: 12.71 कोटी
सोशल मीडियावरही तुफान चर्चा
सोशल मीडियावरही दृश्यम 3 ची जोरदार चर्चा सुरू आहे. मोहनलालच्या ॲक्टिंगचे विशेष कौतुक होत आहे. अनेकांनी या चित्रपटाला दृश्यम फ्रँचायझीतील सर्वात दमदार भाग असल्याचे म्हटले आहे. आता येत्या काही दिवसांत दृश्यम 3 आणखी कोणते मोठे रेकॉर्ड मोडतो, याकडे संपूर्ण चित्रपटविश्वाचे लक्ष्य लागले आहे.