बॉलिवूडची प्रसिद्ध डान्सर आणि अभिनेत्री नोरा फतेही हिने आलिया भट्ट, शिल्पा शेट्टी आणि माधुरी दीक्षित यांसारख्या आघाडीच्या अभिनेत्रींना मागे टाकत, यूट्यूबवर पहिले स्थान मिळवले आहे. नोराच्या यूट्यूब चॅनेलवर ४५ लाख म्हणजेच ४.५ मिलियनहून अधिक सब्सक्रायबर्स आहेत. बॉलिवूडमध्ये सर्वाधिक सब्सक्रायबर्स मिळालेली ती पहिली अभिनेत्री ठरली आहे. या यादीत दुसऱ्या स्थानावर योगा क्वीन शिल्पा शेट्टी कुंद्रा आहे. तिचे ३८ लाख सब्सक्रायबर्स आहेत. तर तरुणांची लाडकी अभिनेत्री आलिया भट्ट २६ लाख सब्सक्रायबर्ससह तिसऱ्या क्रमांकावर आहे. या यादीत चौथ्या क्रमांकावर क्रिती सेनॉन आहे. तिचे जवळपास १३.३ लाख सब्सक्राइबर्स आहेत. तर पाचव्या क्रमांकावर धकधक गर्ल म्हणून ओळख असलेली माधुरी दीक्षित आहेत. तिचे जवळपास १३.१ लाख सब्सक्रायबर्स आहेत.
विशेष म्हणजे, या संपूर्ण यादीत कार्तिक आर्यन हा एकमेव पुरुष अभिनेता आहे. त्याचे ८.३ लाख सब्सक्रायबर्स आहे. तो या यादीत सहाव्या क्रमांकावर आहे. तर अभिनेत्री जॅकलिन फर्नांडिस ८.२६ लाख सब्सक्रायबर्ससह सातव्या स्थानावर आहे. सेलिब्रेटींचा नवा अड्डा म्हणून यूट्यूबकडे पाहिले जाते. बॉलिवूड स्टार्सच्या वैयक्तिक आयुष्याबद्दल जाणून घेण्यासाठी चाहते नेहमीच उत्सुक असतात. आता हे स्टार्स स्वतः व्लॉग आणि पॉडकास्टच्या माध्यमातून चाहत्यांच्या थेट संपर्कात येत आहेत. यूट्यूबवर सध्या बॉलिवूडच्या अनेक मोठ्या स्टार्सच्या बाता आहे. पण या मध्ये कॅनेडियन वंशाची अभिनेत्री नोरा फतेहीने बाजी मारल्याचे दिसून येत आहे. तिने तिच्या यूट्यूब सब्सक्रायबर्सच्या माध्यमातून बॉलिवूडच्या दिग्गजांना मागे टाकले आहे हे या आकडेवारीवरून स्पष्ट होत आहे.