“अरे मोटेगावकरांकडे बघा… विद्यार्थी पास व्हावेत म्हणून थेट अंगावर पाणीच टाकतायत,” अशा आशयाचा एक व्हिडीओ सध्या सोशल मीडियावर जोरदार व्हायरल होत आहे. NEET पेपरफुटी प्रकरणात चर्चेत आलेल्या RCC क्लासेसचे संचालक शिवराज मोटेगावकर यांच्यावर आता मीम्स आणि ट्रोल्सचा अक्षरशः पाऊस पडत आहे. विशेष म्हणजे, विद्यार्थ्यांना ‘१०१ प्रश्न’ दिले आणि त्यातीलच प्रश्न परीक्षेत आल्याचा व्हिडिओ समोर आल्यानंतर सोशल मीडियावर मोटेगावकर यांच्याभोवती टीकेची मालिका सुरू झाली आहे.
दरम्यान, परीक्षांच्या काळात सोशल मीडियावर मीम्स आणि विनोद व्हायरल होण्याची परंपरा नवीन नाही. याआधीही CBSE बोर्ड परीक्षांदरम्यान विद्यार्थ्यांचा ताण कमी करण्यासाठी मीम्सचा वापर करण्यात आला होता.