Amruta Khanvilkar: मराठी आणि हिंदी भाषेत अनेक नाटकं, चित्रपट, टीव्ही मालिकांतून काम केलेली प्रसिद्ध अभिनेत्री अमृता खानविलकरने एक धक्कादायक किस्सा सांगितला. छान अभिनय करून प्रेक्षकांची मनं जिंकताना किती गंभीर समस्यांना सामोरे जावे लागते हे अमृताने किस्सा कथन करून सांगितले.
तस्करी या हिंदी सीरिजचे काम केल्यानंतर दिलेल्या मुलाखती दरम्यान अमृताने गौप्यस्फोट केला. एका सिनेमाच्या सेटवर चुकीची वागणूक मिळाल्याचे अमृता म्हणाली. एका दिग्दर्शकाने मला सेटवर ढकलून दिलं होत. शूटिंगच्यावेळी हा कटू अनुभव आल्याचे अमृता म्हणाली.
सिनेमाच्या सेटवर दिग्दर्शक त्रास होईल अशा पद्धतीने वारंवार टोमणे मारत होता. शूट सुरू होण्याआधी दिग्दर्शक मुद्दाम टोमणा मारत होता. मी ठरवून वारंवार दुर्लक्ष केले आणि शू करत राहिले. अनेकजणी नखरे करतात. सेटवर नखरे करणारे अनेक कलाकार आहेत. पण माझे तसे नाही. मी व्यवस्थित काम करत होते. पण दिग्दर्शक सातत्याने टोमणे मारत राहिला. हा एक अतिशय वाईट अनुभव होता असे ती म्हणाली. नंतर दिग्दर्शकाने भर सेटवरच मला धक्का मारल्याचे अमृता म्हणाली. या प्रकाराने मानसिक धक्का बसल्याचे अमृताने सांगितले.
धक्का बसला आणि माझा मेंदू आणि शरीर यांनी काम करणेच बंद केले. मी खूप घाबरले काय करावे हे समजत नव्हते. सुचतच नव्हते. अखेर मी सेटवरून लगेच निघून गेले, असे अमृताने सांगितले. त्या सेटवर माझ्यासोबत एक पुरुष सहकलाकार होता त्याने ते पाहिलं आणि मग तो जाऊन त्या दिग्दर्शकाशी बोलला. ड्या वर्षांनी माझ्या कानावर आलं की त्या दिग्दर्शकाला वाईट पद्धतीने एका कामावरून अचानक दूर करण्यात आले. अखेर कर्म फिरून त्याच्यापाशी आल्याचे अमृता म्हणाली.