RR VS GT : आयपीएल २०२६ मध्ये आज क्वालिफायर-2 सामन्यात गुजरात टायटन्स आणि राजस्थान रॉयल्स यांच्यातील लढतीपूर्वी टॉसवेळी मोठा गोंधळ पाहायला मिळाला. मुल्लांपूरच्या Maharaja Yadavindra Singh International Cricket Stadium येथे ही घटना घडली. गुजरातचा कर्णधार शुभमन गील याने नाणं उडवलं, तर राजस्थानचा कर्णधार रियान परागयाने हेड अशी कॉल दिली. मात्र नाणं खाली पडल्यानंतर मॅच रेफरी प्रकाश भट्ट यांना कॉल स्पष्ट ऐकू न आल्याने काही काळ गडबड निर्माण झाली.यानंतर समालोचक रवि शास्त्री यांनी री-स्पिन ची घोषणा केली आणि पुन्हा टॉस घेण्यात आला. दुसऱ्या प्रयत्नात रियान परागने पटकन हेड कॉल दिला आणि नाणंही हेडवर आलं. त्यामुळे राजस्थान रॉयल्सने टॉस जिंकत प्रथम फलंदाजीचा निर्णय घेतला आहे.
🚨TOSS DRAMA IN QUALIFIER 2.
-Toss flipped twice in today's GT vs RR qualifier 2 Game. pic.twitter.com/WMgVvEUYwR
— U' (@toxifyxe) May 29, 2026
टॉसनंतर रियान पराग म्हणाला, खेळपट्टी सुरुवातीला चांगली आहे, पण पुढे संथ होऊ शकते. आमच्याकडे त्यासाठी योग्य गोलंदाज आहेत.दरम्यान, शुभमन गिल टॉसनंतर नाराज दिसला. तोही प्रथम फलंदाजी करू इच्छित होता. त्याने लगेच मुख्य प्रशिक्षक आशिष नेहरा याच्याशी चर्चा केली. गिल म्हणाला, आम्हीही आधी फलंदाजीच केली असती. आता आमच्यासाठी करो या मरो ची परिस्थिती आहे.
राजस्थान रॉयल्स प्लेइंग-11
यशस्वी जयस्वाल, वैभव सूर्यवंशी, ध्रुव जुरेल (यष्टीरक्षक), रियान पराग (कर्णधार), डोनोवन फरेरा, दासुन शनाका, रवींद्र जडेजा, जोफ्रा आर्चर, नांद्रे बर्गर, बृजेश शर्मा, यश राज पुंजा.
गुजरात टायटन्स प्लेइंग-11
साई सुदर्शन, शुभमन गिल (कर्णधार), जोस बटलर (यष्टीरक्षक), निशांत सिंधू, वॉशिंग्टन सुंदर, जेसन होल्डर, राशिद खान, साई किशोर, कागिसो रबाडा, प्रसिद्ध कृष्णा, मोहम्मद सिराज.