नवी दिल्ली : भारतीय निवडणूक आयोगाने (ECI) तीन राज्यांतील विधान परिषदांच्या (आमदारांतर्फे होणाऱ्या) द्वैवार्षिक पक्षीय आणि पोटनिवडणुकांसह राज्यसभेच्या 27 जागांसाठी निवडणूक कार्यक्रम जाहीर केला आहे.
देशातील दहा राज्यांतील 24 राज्यसभा जागांसाठी द्वैवार्षिक निवडणूक होणार असून महाराष्ट्र, तमिळनाडू आणि ओडिशा येथे प्रत्येकी एका राज्यसभेच्या जागेसाठी पोटनिवडणूक घेतली जाणार आहे. तसेच बिहारमध्ये 9 आणि कर्नाटकमध्ये 7 विधान परिषद जागांसाठी आमदारांमार्फत द्वैवार्षिक निवडणूक होणार आहे. बिहारमध्ये एका जागेसाठी पोटनिवडणूकही होईल. राज्यसभा द्वैवार्षिक निवडणुका आंध्रप्रदेश, गुजरात, झारखंड, मध्यप्रदेश, मणिपूर, मेघालय, राजस्थान, अरुणाचल प्रदेश, कर्नाटक आणि मिझोरम या राज्यांमध्ये होणार आहेत.
निवडणूक आयोगाने निवडणूक कार्यक्रमाबद्दल अधिसूचना जारी केली आहे आणि निवडणूक अधिकारी तसेच सहाय्यक निवडणूक अधिकारी (द्वैवार्षिक निवडणुका आणि पोटनिवडणुका या दोन्हींसाठी) यांची नेमणूक केली आहे. नेमणुकांचे तपशील भारतीय राजपत्र/राज्य राजपत्रात जाहीर करण्यात आले आहेत.
निवडणूक कार्यक्रम
अर्ज भरण्याचा अंतिम दिवस 8 जून 2026, दुपारी 3 पर्यंत
अर्जांची छाननी 9 जून 2026
अर्ज मागे घेण्याचा अंतिम दिवस 11 जून 2026
निवडणुका झाल्या तर मतदान 18 जून 2026, दुपारी 4 पर्यंत
मतमोजणी 18 जून 2026 रोजी संध्याकाळी 5 नंतर