IND vs AFG Test : टीम इंडियात मोठा ट्विस्ट! 60 विकेट्स घेणाऱ्या आकिब नबीला BCCI ने दिली संधी; प्लेइंग-११ मध्ये उलथापालथ

Mumbai : अफगाणिस्तानविरुद्धच्या एकमेव कसोटी सामन्यापूर्वी भारतीय संघाच्या निवडीवरून वाद निर्माण झाला होता. रणजी ट्रॉफीमध्ये 60 विकेट्स घेऊन धुमाकूळ घालणाऱ्या जम्मू-काश्मीरच्या वेगवान गोलंदाज आकिब नबी डारला अखेर भारतीय संघात संधी देण्यात आली आहे. मात्र, त्याचा 15 सदस्यीय संघात समावेश करण्यात आलेला नाही. त्याला या एकमेव कसोटी सामन्यासाठी बॅक-अप खेळाडू म्हणून भारतीय संघात घेतले आहे.


60 विकेट्स घेऊनही संघाबाहेर


जम्मू काश्मीरच्या 24 वर्षीय आकिब नबीने यंदाच्या रणजी ट्रॉफी हंगामात अप्रतिम गोलंदाजी करत अवघ्या 12.57 च्या सरासरीने 60 विकेट्स घेतल्या आहेत. या दमदार कामगिरीमुळे त्याने 'प्लेअर ऑफ द सिरीज' पुरस्कारही पटकावला होता. त्यामुळे अफगाणिस्तानविरुद्धच्या कसोटीसाठी त्याची निवड जवळपास निश्चित मानली जात होती. निवड समितीने मुख्य संघात स्थान न दिल्यामुळे चाहत्यांमध्ये नाराजी होती. मात्र आता बीसीसीआयने आकिब नबीला 'बॅक-अप' खेळाडू म्हणून भारतीय संघासोबत ठेवण्याचा निर्णय घेतला आहे. तो संघासोबत सराव करणार असून गरज पडल्यास त्याचा पर्याय म्हणून विचार केला जाऊ शकतो.



रणजी फायनलमध्ये दिग्गजांना दिला धक्का


कर्नाटकविरुद्धच्या रणजी अंतिम सामन्यात आकिब नबीने केएल राहुल, मयंक अग्रवाल आणि करुण नायर यांसारख्या अनुभवी फलंदाजांना बाद करत 5 विकेट्स घेतल्या होत्या. त्याच्या कामगिरीमुळे जम्मू-काश्मीरने कर्नाटकला पराभूत केले होते. या कामगिरीमुळे तो क्रिकेटविश्वाच्या चर्चेंचा नवा केंद्रबिंदु झाला.


निवड समितीचे स्पष्टीकरण


मुख्य निवडकर्ता अजित आगरकर यांनी आकिबच्या निवडीबाबत बोलताना सांगितले की, भारतातील खेळपट्ट्यांवर एकाच वेळी अनेक वेगवान गोलंदाजांना संधी देणे कठीण आहे. त्यामुळे काही गुणवंत खेळाडूंना प्रतीक्षा करावी लागते. निवड समितीने आकिब नबीऐवजी पंजाबच्या गुरनूर ब्रारवर विश्वास दाखवला आहे. ब्रारने रणजी ट्रॉफीतील 7 सामन्यांत 23 विकेट्स घेतल्या होत्या. मात्र आकिबच्या 60 विकेट्सच्या तुलनेत हा आकडा कमी असल्याने क्रिकेट चाहत्यांमध्ये निवडीवर टीका केली होती.



आयपीएलमधील अपयश


दिल्ली कॅपिटल्सकडून खेळताना आकिब नबीला आयपीएल 2026 मध्ये अपेक्षित कामगिरी करता आली नव्हती. 5 सामन्यांत त्याला एकही विकेट मिळाली नव्हती. निवड समितीने त्याच बाबीचा विचार केल्याची चर्चा क्रिकेट वर्तुळात सुरू आहे. भारत आणि अफगाणिस्तान यांच्यातील एकमेव कसोटी सामना 6 ते 10 जूनदरम्यान मुल्लानपूर येथे खेळवला जाणार आहे. या सामन्यात आकिबला अंतिम संघात संधी मिळणार का, याकडे आता सर्वांचे लक्ष लागले आहे.

Comments
Add Comment

भारताने न्यूझीलंडला 3-2 ने पराभवाची धूळ चारली, शताब्दी हॉकी मालिकेत टीम इंडियाची विजयी सलामी

भारत आणि न्यूझीलंड या दोन्ही देशांमधील ऐतिहासिक क्रीडा संबंधांना 100 वर्षे पूर्ण झाल्याच्या निमित्ताने

कॅमरन बेनक्रॉफ्टच्या आरोपानंतर पॅट कमिन्स घरातून बाहेर पडणं झालं कठीण! पत्रकारांकडून प्रश्नांचा भडीमार

ऑस्ट्रेलिया आणि दक्षिण अफ्रिका यांच्यात 2018 मध्ये कसोटी मालिका पार पडली होती. या मालिकेतील एका सामन्यात

न्यूझीलंडला धक्का! दक्षिण अफ्रिकेने बांगलादेशला 9 गडी राखून नमवलं, वर्ल्ड टेस्ट चॅम्पियनशिप गुणतालिकेत मोठा उलटफेर

दक्षिण अफ्रिकेने पहिल्या कसोटी सामन्यात बांगलादेशचा धुव्वा उडवला. या सामन्यात दक्षिण अफ्रिकेने बांगलादेशला 9

रायझिंग स्टार्स आशिया कप स्पर्धेला आजपासून सुरूवात, जाणून भारताचा सामना कधी आणि पूर्ण शेड्यूल

रायझिंग स्टार्स आशिया कप 2026 स्पर्धेला आजपासून सुरूवात होणार आहे. वनडे फॉर्मेटमध्ये ही स्पर्धा होत असून एकूण 8 संघ

IND vs NZ 1st Test: पहिल्या कसोटी सामन्यात मोहम्मद सिराजला बसवण्याचा निर्णय योग्यच! प्रशिक्षकांनी दिलं असं कारण

भारत आणि न्यूझीलंड कसोटी सामन्यातील पहिल्या सत्रात भारताच्या वेगवान गोलंदाजांनी पकड मिळवली. पण त्यानंतर ही पकड

न्यूझीलंडविरुद्धच्या कसोटीत बुमराहचा ऐतिहासिक पराक्रम; माजी दिग्गज गोलंदाज जवागल श्रीनाथचा विक्रम मोडीत!

[caption id="attachment_1076800" align="aligncenter" width="800"] भारत न्यूझीलंड कसोटी मालिकेतून वेगवान गोलंदाज जसप्रीत बुमराहने पुन्हा एकदा मैदानात