पॅट कमिन्ससोबत काय घडलं?
कॅमरन बेनक्रॉफ्टने सांगितलं की, ड्रेसिंग रुममध्ये प्रत्येकाला माहिती होतं की मैदानात बॉल टॅम्परिंग होत आहे. त्यामुळे पुन्हा एकदा पॅट कमिन्स रडारवर आला. इतकंच त्याचं घरातून बाहेर निघणंही कठीण झालं आहे. त्याच्या घराबाहेरील एक व्हिडीओ सोशल मीडियावर व्हायरल होत आहे. यात पॅट कमिन्स घराबाहेर उभा आहे आणि एक महिला रिपोर्टर सँडपेपरगेट प्रकरणी त्याच्यावर प्रश्नांचा भडीमार करत आहे. या प्रकरणावर त्याची प्रतिक्रिया घेण्याचा प्रयत्न करत आहे. पत्रकाराने प्रश्न विचारण्यापूर्वी माफी मागितली, पण कमिन्सने उत्तर दिले की, कदाचित तिला प्रश्न विचारल्याबद्दल तितकी खंत वाटत नसेल, जितकी ती दाखवत आहे.
न्यूझीलंडला धक्का! दक्षिण अफ्रिकेने बांगलादेशला 9 गडी राखून नमवलं, वर्ल्ड टेस्ट चॅम्पियनशिप गुणतालिकेत मोठा उलटफेर
दक्षिण अफ्रिकेने पहिल्या कसोटी सामन्यात बांगलादेशचा धुव्वा उडवला. या सामन्यात दक्षिण अफ्रिकेने बांगलादेशला 9 गडी राखून पराभवाची धूळ चारली. या ...
कॅमरन बेनक्रॉफ्ट काय म्हणाला?
कॅमरन बेनक्रॉफ्ट म्हणाला की, अनेक वर्षांपासून या प्रकरणाचं ओझं मनावर होतं. बेनक्रॉफ्ट म्हणाला की, 'दक्षिण आफ्रिकेत मी सँडपेपर वापरल्याबद्दल फक्त आम्हा तिघांनाच माहीत नव्हते. संपूर्ण संघाला माहीत होते.' बेनक्रॉफ्ट सांगितलं की, पहिल्या चौकशीदरम्यान याबाबत कही सांगितलं नव्हतं. कारण यामुळे इतरांच्या कारकिर्दीला धक्का बसला असता. तसेच ऑस्ट्रेलिया क्रिकेटची प्रतिष्ठा जपावी यासाठी सत्य उघड केलं नव्हतं.