मुंबई : नोकरीच्या ठिकाणी दबाव टाकून जबरदस्तीने इस्लाम धर्म स्वीकारण्यास भाग पाडण्यासाठी टीसीएसच्या नाशिक कार्यालयात कॉर्पोरेट जिहाद सुरू होता. या कॉर्पोरेट जिहादशी संबंधित नवनवी माहिती आता समोर येत आहे. धर्मांतर करण्यासाठी नाशिकच्या टीसीएसमध्ये महिला आणि पुरुषांचे विविध पद्धतीने शारीरिक, मानसिक आणि आर्थिक शोषण सुरू होते. या प्रकरणी एका पुरुषाने आणि काही महिलांनी पोलिसांकडे तक्रारी नोंदवल्या आहेत. या तक्रारींच्या आधारेच तपास सुरू असताना नवनवी माहिती उजेडात येऊ लागली आहे.टीसीएसमध्ये झाकीर नाईकचे व्हिडीओ दाखवून धर्मांतर करण्यासाठी सातत्याने दबाव टाकला जात होता. ही बाब समोर येताच तपास यंत्रणा सतर्क झाली आहे. झाकीर नाईकवर भारतात बंदी आहे. तो धर्मप्रसाराच्या नावाखाली देशविरोधी कारवायांसाठी चिथावणी देत असल्याचा संशय आहे. यामुळेच तपास यंत्रणा बारकाईने तपास करत आहे.कार्यालयातील महिलांचे लैंगिक शोषण आणि बळजबरीने धर्मांतराचे गंभीर प्रकरण तक्रारीनंतर समोर आले. या प्रकरणी पोलिसांनी ८ संशयितांवर ९ गुन्हे दाखल केले असून, न्यायालयामध्ये २ हजार पानांपेक्षा मोठे आरोपपत्र दाखल केले आहे.पोलिसांनी दाखल केलेल्या आरोपपत्रात एका पीडितेचा हादरवणारा जबाब आहे. या जबाबातून झाकीर नाईकचे नाव पुढे आले आहे.
पीडितेचा धक्कादायक जबाब :
दानिश आणि मी आम्ही दोघे एकमेकांवर प्रेम करायचो.त्या नंतर आमच्यात शारीरिक संबंध निर्माण झाले. तो माझ्यासोबत लग्न करेल की नाही याची मला सतत भीती होती. लग्नाचा विषय काढला कि तो चिडायचा. आमच्या लग्नाला माझ्या घरून संमती मिळेल का ही पण एक शंका माझ्या मनात होती. तो अनेकदा म्हणायचा, "तू डर मत मुझपे भरोसा रख, अपने साथ अल्ला है! तू ना एक काम कर तू तुझा हिंदू धर्म बाजूला ठेव आणि माझा मुस्लिम धर्म स्वीकार. आमच्या धर्मात सर्व गोष्टी करू शकतेस तुला कोणाला घाबरण्याची आवश्यकता नाही. काही चूक झाली तर अल्ला आहे अन अल्ला तुला माफ करून टाकेल.जो तेरा मेंटल स्ट्रेस है, वह कम हो जायेगा!" असे सांगून त्याने मला तजबी वाचण्यास सांगितले.त्याने मला सांगितले कि या संपूर्ण जगात फक्त अल्ला एकच आहे. तो म्हणाला कि तुम्हारे भगवान को तो सिर्फ हिंदुस्तान मे ही मानते हे पर हमारे अल्ला को दुनिया के कई देशो मे माना जाता हे ओर एक दिन ऐसा आयेगा कि पुरी दुनिया बस अल्ला की दुवा करेगी.हळूहळू त्याच म्हणणं मला पटू लागलं. त्यानेच मला मौलाना तारिकचे व्हिडीओ बघायला आणि ऐकायला सांगितले. तुला जर आणखी काही मदत लागत असल्यास तौशिफ आणि निदा खान देखील संपूर्ण मदत करतील.तो जे जे सांगत होता ते ते मी करत होते. त्याला माझ्या दोन्ही खात्यांची संपूर्ण माहिती होती. त्याला माझ्या मोबाईलचे पासवर्ड यूपीए पासवर्ड सर्व काही माहिती होते.तौसिफ आणि निदा हे वेळोवेळी मला इस्लाम धर्माबाबत सांगत. तौसिफने मला झाकीर नाईकचे व्हिडीओ आणि डॉ. इसरार अहमद यांचे व्हिडीओ बघायला सांगितले. इस्लाममधील शबा स्टोरी, ईब्राहिम स्टोरी, बकरी ईदची स्टोरी, जमजमचे पाणी, कुर्बाणी का देतात, कयामतचे दिवशी काय होईल, जन्नत की खुबसुरूती अशा वेगवेगळ्या विषयांची माहिती दिली.
आम्ही दोघे बाहेर फिरायला गेलो की सर्व बिल्स मी भरायचे. डीमार्ट, झुडीओ तसेच मोठ्या मॉलमध्ये आम्ही गेलो तो भरपूर खरेदी केली जायची सगळे पैसे मीच भरत होते. तो माझ्याकडे पैसे पण उधार घायचा... सुरुवातीला घेतलेले पैसे परत करत होता पण नंतर ते बंद होत गेलं. हळू हळू मी खचले... काय करावं ते सुचत नव्हतं... अशी माहिती पीडित महिलेने पोलिसांना दिली.