न्यू चंदिगड : भारत आणि अफगाणिस्तान यांच्यातील एकमेव कसोटी सामन्यात भारतीय फलंदाजांनी अफगाण गोलंदाजांची धुलाई करत पहिला डावात 8 बाद 564 धावा या टप्प्यावर घोषीत केला. कर्णधार शुभमन गिल (126) आणि केएल राहुल (100) यांच्या शतकांसह साई सुदर्शन,ऋषभ पंत आणि वॉशिंग्टन सुंदर यांच्या महत्त्वपूर्ण खेळीमुळे भारताने हा धावांचा डोंगर उभारण्यात यश मिळवले.पहिल्या दिवसाच्या अखेरीस भारताने 3 बाद 368 केल्या होत्या. सुरुवातीपासूनच आक्रमक फलंदाजी केल्यामुळे आज भारताला ५०० धावांचा टप्पा पार करता आला. कर्णधार शुभमन गिलने शतकी खेळी साकारली.ऋषभ पंतने 81 धावांची झंझावाती खेळी केली, तर वॉशिंग्टन सुंदरने नाबाद अर्धशतक झळकावत डावाच शेवट चांग केला.
पहिल्या डावात भारतीय फलंदाजांची कामगिरी
शुभमन गिल – 126
केएल राहुल – 100
साई सुदर्शन – 81
ऋषभ पंत – 81
वॉशिंग्टन सुंदर – नाबाद 52
मानव सुथार – 28
मोहम्मद सिराज – 22
भारताने 127 षटकांत 564 धावांचा डोंगर उभारल्यानंतर डाव घोषित करण्याचा निर्णय घेतला.
अफगाणिस्तानकडून सलीम साफी चमकला
भारतीय फलंदाजांसमोर अफगाणिस्तानचे गोलंदाज संघर्ष करताना दिसले. मात्र मोहम्मद सलीम साफी याने 27 षटकांत 140 धावा देत 6 विकेट्स घेतल्या त्याने भारतासमोर एकहाती लढा दिला. झियाउर रहमान शरीफी आणि कर्णधार हशमतुल्लाह शाहिदी यांनी प्रत्येकी एक विकेट मिळवल्या. भारताने ५६४ धावांचा डोगंर उभे केले आहे. मात्र आता सर्वांची नजर भारतीय गोलंदाजांवर आहे अफगाणिस्तानचा पहिला डाव लवकर गुंडाळून त्यांच्यावर फॉलोऑन लादण्याचा प्रयत्न भारत करेल.
स्कोअर : भारत 564/8 घोषित (127 षटके)
अफगाणिस्तान – पहिला डाव सुरू.