Kalyan: कल्याणमधून एक अत्यंत धक्कादायक बातमी समोर आली आहे. अवघ्या ७ वर्षांच्या चिमुरडीवर एका नराधमाने लैंगिक अत्याचार केला. या घटनेमुळे संपूर्ण परिसरात संतपाची लाट पसरली आहे.
नेमकं घडलं काय ?
कल्याणच्या (Kalyan) पूर्वमधील कोळशेवाढी पारिसरात ही धक्कादायक घटना घडली आहे. पीडित चिमुरडी आणि आरोपी दोघेही मूळचे उत्तर प्रदेशमधील एकाच गावचे रहिवासी आहेत. आरोपी जुमयी आली शेख गेल्या दोन वर्षापासून या परिसरात राहत होता. सदर व्यक्ती ५५ वर्षाचा असून बुधवार २४ जून २०२६ रोजी या नराधमाने दोन वर्षाच्या मुलीवर अत्याचार केले.
मुलीला टोमॅटो देण्याच्या बहाण्याने त्याने तिला घरी बोलावून तिच्यावर लैंगिक अत्याचार केला. या घटनेची माहिती मिळताच स्थानिक रहिवाशांनी तात्काळ पोलिसांशी संपर्क साधला. राष्ट्रीय स्वयंसेवक संघाचे कार्यकर्ते अनुराग सिंह हेदेखील घटनास्थळी पोहोचले आणि त्यांनी पोलिसांना बोलावले. या घटनेमुळे संतप्त झालेल्या नागरिकांनी आरोपीला मारहाण केली आणि कोळशेवाडी पोलिसांनी त्याला अटक केली आहे. पोलिसांनी गुन्हेगाराला धडा शिकवावा, जेणेकरून पुन्हा कोणी असे कृत्य करण्याचे धाडस करणार नाही, अशी मागणी होत आहे. दिवसाढवळ्या अशा घटना घडत असल्याने रहिवाशांमध्ये, विशेषतः पालकांमध्ये भीतीचे वातावरण पसरले आहे. जनता आता पोलिसांच्या गस्तीबाबत उत्तरदायित्वाची मागणी करत आहे आणि कायदा अंमलबजावणीच्या उपस्थितीबद्दल चिंता व्यक्त करत आहे.