TET Exam : टीईटी पेपरफुटीप्रकरणी दोषींवर ‘मकोका’ लावणार; पुढील वर्षापासून परीक्षा ऑनलाईन!

विधानपरिषदेत शिक्षणमंत्री दादा भुसे यांचे महत्त्वपूर्ण निवेदन



मुंबई : महाराष्ट्र राज्य शिक्षक पात्रता परीक्षा (टीईटी) २०२६ (TET Exam) च्या पेपरफुटीचा प्रयत्न उघडकीस येताच, महायुती सरकारने तातडीने आणि अत्यंत कठोर पावले उचलली आहेत. या गैरप्रकारात सामील असलेल्या दोषींवर संघटित गुन्हेगारी नियंत्रण कायद्यांतर्गत (मकोका) कारवाई करण्यासाठी आवश्यक त्या कायदेशीर बदलांची चाचपणी केली जाईल, अशी ग्वाही शिक्षणमंत्री दादा भुसे यांनी आज विधानपरिषदेत दिली.


याशिवाय, भविष्यात अशा घटनांना पूर्णपणे आळा घालण्यासाठी पुढील वर्षापासून टीईटीसह सर्व परीक्षा पूर्णपणे पारदर्शक आणि शिस्तबद्ध पद्धतीने ऑनलाईन घेण्यासाठी मुख्य सचिवांच्या अध्यक्षतेखाली एक उच्चस्तरीय समिती नेमण्यात येत असल्याची घोषणाही त्यांनी केली.



विधानपरिषदेत सदस्यांनी या संवेदनशील विषयावर प्रश्न उपस्थित करत दोषींवर कडक कारवाई करण्याची मागणी केली. त्यावर, विद्यार्थ्यांच्या हितासाठी सरकार आधीपासूनच किती सतर्क आहे, हे स्पष्ट करत शिक्षणमंत्री दादा भुसे यांनी सविस्तर निवेदन सादर केले. त्यांनी सभागृहाला आश्वस्त केले की, सरकार अशा प्रवृत्तींना अजिबात पाठीशी घालणार नाही.


 

गृहविभाग आणि पोलिसांची तत्पर कारवाई


२८ जून २०२६ रोजी होणाऱ्या टीईटी परीक्षेची प्रश्नपत्रिका विक्रीसाठी उपलब्ध असल्याची गोपनीय माहिती पोलिसांना २७ जून रोजीच मिळाली होती. माहिती मिळताच पोलिसांनी कोणतीही दिरंगाई न करता सापळा रचला आणि तिघांना रंगेहात ताब्यात घेतले. त्यांच्याकडून जप्त केलेली प्रश्नपत्रिका ही नियोजित परीक्षेचीच असल्याची खातरजमा शिक्षण विभागाच्या अधिकाऱ्यांनी केली. सरकारने त्वरित पावले उचलल्यामुळेच हा मोठा गैरप्रकार वेळीच उघडकीस आला."



गुन्हेगारांवर कठोर कलमांनुसार गुन्हा दाखल


या प्रकरणी कोनगाव पोलीस ठाण्यात तात्काळ गुन्हा दाखल करण्यात आला असून, आरोपींवर भारतीय न्याय संहिता (BNS) तसेच स्पर्धा परीक्षा आणि परीक्षांमधील गैरप्रकार प्रतिबंधक कायद्यांतर्गत अत्यंत कडक कारवाई करण्यात आली आहे. अटक करण्यात आलेले तिन्ही आरोपी सध्या पोलीस कोठडीत असून, त्यांच्याकडून कसून चौकशी सुरू आहे. या प्रकरणाचे गांभीर्य ओळखून सरकारने तात्काळ पोलीस महासंचालकांच्या (DGP) आदेशानुसार या प्रकरणाचा तपास ठाणे शहर पोलिसांच्या विशेष तपास पथकाकडे (SIT) सोपवला आहे. या रॅकेटची पाळेमुळे खणून काढण्यासाठी बिहार, हरियाणा आणि दिल्ली येथे स्वतंत्र पोलीस पथके रवाना करण्यात आली आहेत.



सरकारच्या पुढील उपाययोजनाही जाहीर


टीईटीची फेरपरीक्षा पारदर्शक आणि शिस्तबद्ध वातावरणात घेतली जाईल.


फेरपरीक्षेसाठी उमेदवारांकडून कोणतेही परीक्षा शुल्क आकारले जाणार नाही.


पुढील वर्षापासून टीईटी आणि इतर परीक्षा ऑनलाइन पद्धतीने घेण्यासाठी आवश्यक पायाभूत सुविधा उभारण्याचा आराखडा तयार केला जाईल.

Comments
Add Comment

Eknath Shinde : पर्यावरण जनजागृतीसाठी राज्यभर फिरणार 5 विशेष रथ; उपमुख्यमंत्री एकनाथ शिंदे यांच्या हस्ते उद्घाटन

पंढरपूर : पर्यावरण संवर्धनाचे महत्त्व विद्यार्थ्यांना लहान वयातच समजावे, यासाठी महाराष्ट्र प्रदूषण नियंत्रण

PM SVANidhi : PM स्वनिधी पुरस्कार 2026 मध्ये महाराष्ट्राची बाजी; राज्याला 5 राष्ट्रीय पुरस्कार

Maharashtra News: पथविक्रेत्यांच्या आर्थिक सक्षमीकरणासाठी राबवण्यात येणाऱ्या प्रधानमंत्री पथविक्रेता आत्मनिर्भर निधी

Food And Drug Administration : FDA ची राज्यभरात मोठी कारवाई; 7 महिन्यांत 152.65 कोटींचा अन्नसाठा जप्त, 1,688 जणांना अटक

मुंबई : राज्यातील अन्नपदार्थांची गुणवत्ता आणि सुरक्षितता राखण्यासाठी अन्न व औषध प्रशासनाने (FDA) मोठी कारवाई केली

पाणीटंचाईग्रस्त गावांना टँकरद्वारे तातडीने पाणीपुरवठा करा, मंत्री गुलाबराव पाटील यांचे निर्देश

राज्यात संभाव्य दुष्काळसदृश परिस्थितीचे सावट लक्षात घेता राज्य सरकार आता अलर्ट मोडवर आले आहे. ज्या गावांमध्ये

IAS officers Transfers : राज्यातील चार वरिष्ठ सनदी अधिकाऱ्यांच्या बदल्या

मुंबई: राज्य शासनाने शुक्रवारी (२० नोव्हेंबर) चार वरिष्ठ सनदी अधिकाऱ्यांच्या (IAS) बदल्यांचे आदेश जारी केले.

Revenue Department : दोन लाखांवरील रोख व्यवहारांची माहिती आता आयकर विभागाला जाणार, महसूल विभागाचा निर्णय

मुंबई : जमीन किंवा मालमत्तेच्या खरेदी-विक्री व्यवहारात दोन लाख रुपये किंवा त्यापेक्षा अधिक रक्कम रोखीने दिल्यास