व्हेनेझुएला : व्हेनेझुएलामध्ये (Venezuela) झालेल्या भीषण भूकंपानंतर (Earthquake) आशेचा किरण ठरलेली घटना समोर आली आहे. सलग दोन विनाशकारी भूकंपांमुळे देशात आतापर्यंत १,४३० जणांचा मृत्यू झाला असून हजारो लोक जखमी झाले आहेत. दहा हजारांहून अधिक नागरिक बेपत्ता (Missing) आहेत. या गंभीर परिस्थितीत तब्बल तीन दिवस ढिगाऱ्याखाली अडकलेल्या ११ वर्षीय मुलाची सुखरूप सुटका करण्यात आली. या बचाव मोहिमेचा व्हिडिओ (Video) सोशल मीडिया (Social Media) वर मोठ्या प्रमाणात व्हायरल (Viral) होत आहे.
Hace pocos minutos fue rescatado con vida un niño de 11 años en Caraballeda. En estas horas cada vida es esperanza para Venezuela. pic.twitter.com/Pjj5ETaaYe
— Delcy Rodríguez (@delcyrodriguezv) June 28, 2026
भूकंपामुळे कोसळलेल्या इमारतीच्या ढिगाऱ्याखाली हा मुलगा तब्बल ७२ तास अडकून होता. शनिवारी बचाव पथकाने (Rescue Team) त्याला जिवंत बाहेर काढताच परिसरात आनंदाचे वातावरण निर्माण झाले. या घटनेमुळे आपल्या नातेवाईकांचा शोध घेत असलेल्या हजारो कुटुंबांना नव्याने आशा मिळाली आहे.
हंगामी राष्ट्राध्यक्ष (Interim President) डेल्सी रॉड्रिग्ज (Delcy Rodríguez) यांनी एक्स (X) या समाजमाध्यम (Social Media Platform) वर पोस्ट करत या बचावकार्याची माहिती दिली. त्यांनी म्हटले की, "काराबालेडा येथे काही मिनिटांपूर्वी ११ वर्षीय मुलाला जिवंत बाहेर काढण्यात आले. या कठीण काळात प्रत्येक वाचलेला जीव हा व्हेनेझुएलासाठी आशेचा किरण आहे." त्यांनी या बचाव मोहिमेचा व्हिडिओ (Video) देखील शेअर केला.
रॉड्रिग्ज यांनी सांगितले की, २४ देशांनी व्हेनेझुएलाच्या मदतीसाठी ५२१ टन मदत साहित्य (Relief Material), प्रशिक्षित श्वान (Sniffer Dogs) असलेली ८६ बचाव पथके आणि २,७०० हून अधिक शोध व बचाव कर्मचारी (Search and Rescue Personnel) पाठवले आहेत.
दरम्यान, संयुक्त राष्ट्रांचे (United Nations) मदत प्रमुख टॉम फ्लेचर (Tom Fletcher) यांनी मृतांचा आकडा आणखी वाढण्याची शक्यता व्यक्त केली आहे. त्यांच्या माहितीनुसार, ५० हजारांहून अधिक लोक अद्याप बेपत्ता आहेत. बचाव पथके आणि स्थानिक नागरिक ढिगाऱ्याखाली अडकलेल्या लोकांचा शोध घेण्यासाठी युद्धपातळीवर प्रयत्न करत आहेत.
याचदरम्यान, कॅराकस (Caracas) जवळील ला ग्वायरा (La Guaira) भागात ढिगाऱ्याखालून एका नवजात बाळालाही जिवंत बाहेर काढण्यात आले. या घटनेचा व्हिडिओ (Video) देखील सोशल मीडिया (Social Media) वर मोठ्या प्रमाणात व्हायरल (Viral) झाला असून, बाळाला हातात घेत भावूक झालेला एक व्यक्ती रडताना दिसत आहे.
तज्ज्ञांच्या मते, नैसर्गिक आपत्तीनंतर (Natural Disaster) पहिले ७२ तास हे बचावकार्यासाठी सर्वाधिक महत्त्वाचे असतात. त्यानंतर जिवंत व्यक्ती सापडण्याची शक्यता मोठ्या प्रमाणात कमी होते. त्यामुळे बचाव पथके अजूनही आशा न सोडता ढिगाऱ्याखाली अडकलेल्या नागरिकांचा शोध घेत आहेत.