बर्मिंगहॅम : भारत आणि इंग्लंड यांच्यात (१४ जुलै) रोजी तीन सामन्याच्या एकदिवसीय मालिकेतील पहिला सामना बर्मिंगहॅमच्या एजबल्टन स्टेडियम येथे खेळला गेला. या सामन्यात इंग्लंडने नाणेफेक जिंकत प्रथम फलंदाजीचा निर्णय घेतला होता. मात्र भारतीय गोलंदाजांनी मालिकेच्या पहिल्या सामन्यात दमदार कामगिरी करत चाहत्यांना दिलासा दिला आहे. (Ind vs Eng)
भारताचा स्टार गोलंदाज जसप्रीत बुमराहने संघात पुनसरागमन करत ऐतिहासिक कामगिरी केली आहे. विशेष म्हणजे, २०२३ च्या एकदिवसीय विश्वचषकाच्या अंतिम सामन्यानंतर बुमराहचा हा पहिला एकदिवसीय सामना होता. तब्बल ९६८ दिवसानंतर बुमराहने एकदिवसीय क्रिकेटमध्ये पुमरागमन केले आहे. बुमराहने या सामन्यात इंग्लंडचा कर्णधार हॅरि ब्रूकला बाद केले आहे.बुमराहने एका उत्कृष्ट चेंडूवर हॅरी ब्रुकला बाद करत आपल्या एकदिवसीय करिअरमधील १५० विकेट्स पूर्ण केले. बुमराह हा सर्वात कमी चेंडूंमध्ये १५० एकदिवसीय विकेट्सचा टप्पा गाठणार तिसरा भारतीय गोलंदाज ठरला आहे, त्याने ही कामगिरी ४,६०५ चेंडूंमध्ये पूर्ण केली आहे. सर्वात कमी चेंडूंमध्ये १५० विकेट्स घेण्याचा भारतीय विक्रम मोहम्मद शमीच्या नावावर आहे, ज्याने ही कामगिरी ४,०७० चेंडूंमध्ये केली होती. (Jasprit Bumrah)
इंग्लंमध्ये सर्वात यशस्वी गोलंदाज
हॅरी ब्रुकला बाद करत बुमराहने इंग्लंडच्या भूमीवर सर्वाधिक एकदिवसीय विकेट्स घेण्याचा विक्रम आपल्या नावावर केला आहे. त्याने रवींद्र जडेजाला मागे टाकेत, इंग्लंडमध्ये ३१ विकेट्स घेतले आहेत.
३१ – जसप्रीत बुमराह
३० – रवींद्र जडेजा
२८ – भुवनेश्वर कुमार