वॉशिंग्टन : इराणमधील होर्मोझची सामुद्रधुनी रणांगणात बदलली आहे. अमेरिका आणि इराणमधील युद्ध शमण्याची कोणतीही चिन्हे दिसत नाहीत. अमेरिकेच्या सेंट्रल कमांडने (सेंटकॉम) इराणवर नवीन हल्ले केले आहेत. इराणचा दावा आहे की, होर्मोझच्या सामुद्रधुनीला लागून असलेल्या होर्मोझगान झालेल्या हल्ल्यांमध्ये किमान तीन नागरिक ठार आणि आठ जण जखमी झाले. सेंटकॉमने हा दावा फेटाळत म्हटले आहे की, होर्मोझच्या सामुद्रधुनीमध्ये दोन तेलवाहू जहाजे सुरुंगांवर आदळल्याने स्फोट झाले. इराणच्या लष्कराने बहरीन, जॉर्डन आणि कुवेत येथील अमेरिकेच्या लष्करी तळांना लक्ष्य केल्याचे म्हटले आहे. (Iran - America War)
ड्रोन हल्ल्यांमध्ये कुवेत आणि जॉर्डनमधील अमेरिकेच्या अनेक लष्करी तळांना लक्ष्य करण्यात आले आहे. इराणने आपले हल्ले अधिक तीव्र करण्याचा इशारा दिला आहे. बंदर अब्बास येथील अधिकाऱ्यांनी वीज सुविधा आणि रेल्वे स्थानकावर हल्ले झाल्याची माहिती आहे. या संघर्षामुळे आखाती प्रदेशातील तणावही वाढला आहे. कतारने दोहाजवळ एक क्षेपणास्त्र हल्ला रोखल्याचे सांगितले. इराणविरुद्ध लष्करी कारवाई करण्यास सहमती दर्शवल्याचा दावा कतारने निराधार असल्याचे सांगत फेटाळून लावला. दुबईच्या अधिकाऱ्यांनी दुबई शहराच्या मध्यवर्ती भागात झालेल्या स्फोटांचे दावे फेटाळून लावले. (Iran - America War)
सेंटकॉमने सांगितले की, अमेरिकेचे अध्यक्ष डोनाल्ड ट्रम्प यांच्या आदेशानुसार लष्कराने सलग सातव्या रात्री इराणवर हल्ले केले. इस्लामिक रिव्होल्यूशनरी गार्ड कॉर्प्सने (आयआरजीसी) दावा केला आहे की, गेल्या काही तासांत अमेरिकेचे हवाई हल्ले तीव्र झाले आहेत. मध्यवर्ती शहर यझद आणि दक्षिणेकडील लार, अहवाज, सिरिक, बुशेहर, बंदर अब्बास आणि दराब या शहरांमध्ये स्फोट झाले. केशम बेटावरही सलग दुसऱ्या रात्री स्फोट झाले. होर्मोझगान प्रांतातील स्थानिक अधिकाऱ्यांनी सांगितले की, अमेरिकेच्या हवाई हल्ल्यांमध्ये प्रांतातील दोन पूल आणि एका बोगद्याला लक्ष्य करण्यात आले. होर्मोझगानच्या उपराज्यपालांनी सांगितले की, शनिवारी पहाटे प्रांतात झालेल्या अनेक हल्ल्यांमध्ये तीन जण ठार आणि आठ जण जखमी झाले. (Iran - America War)
बुशेहरवर एका एमक्यू-९ ड्रोनचा मागोवा घेऊन तो पाडण्यात आला. याव्यतिरिक्त, उत्तर हिंद महासागरातील एका अमेरिकी जहाजावर किनाऱ्यावरून समुद्रात मारा करणाऱ्या क्रूझ क्षेपणास्त्राने हल्ला करण्यात आला. आयआरजीसीने बहरीनमधील अमेरिकी लष्करी तळांवरील हल्ल्यांचीही पुष्टी केली. आयआरजीसीने दावा केला की, अमेरिकेच्या पाठिंब्याने असलेल्या चार जहाजांनी होर्मुझची सामुद्रधुनी ओलांडण्याचा प्रयत्न केला. पण क्षेपणास्त्र आणि ड्रोनच्या संयुक्त कारवाईदरम्यान त्यांना रोखण्यात आले. याशिवाय, होर्मुझच्या सामुद्रधुनीच्या दक्षिणेकडील सुरुंग क्षेत्रातून गेल्यानंतर दोन तेलवाहू जहाजांमध्ये स्फोट होऊन आग लागली. (Iran - America War)
इराणी लष्कराने कुवेत आणि जॉर्डनमधील अनेक अमेरिकी लष्करी पायाभूत सुविधांच्या ठिकाणांना लक्ष्य करून ड्रोन हल्ले केले आहेत. या ठिकाणांमध्ये कॅम्प उदैरी (कुवेत) येथील दारूगोळा डेपो, अली अल सालेम बेस (कुवेत) येथील मुख्यालयाच्या इमारती, दारूगोळा डेपो आणि जवळचे जोडणारे पूल, मुवाफाक साल्टी, अल अझराक हवाई तळ (जॉर्डन) आणि लष्करी इंधन टाक्या यांचा समावेश आहे. दरम्यान, इराणचे सर्वोच्च नेते अयातुल्ला सय्यद मोजतबा खामेनी यांचे वरिष्ठ लष्करी सल्लागार मोहसेन रझाई यांनी इशारा दिला आहे की, १४-कलमी करार मोडल्यानंतर अमेरिकेने इस्लामिक प्रजासत्ताकाविरुद्ध सुरू असलेला संघर्ष आणि लष्करी मोहीम सुरूच ठेवल्यास तेहरान प्रत्युत्तरात्मक हल्ल्यांच्याही पलीकडे जाईल. (Iran - America War)