मुंबई : भारतीय फिरकी गोलंदाज कुलदीप यादवने (Kuldeep Yadav) यॉर्कशायर काउंटी क्लबसोबत करार केला. तो या हंगामात संघासाठी आठ सामने खेळणार आहे. कुलदीप काही काळापासून भारतीय प्लेइंग इलेव्हनचा भाग नव्हता, पण आता तो काउंटी क्रिकेटमध्ये पुनरागमन करणार आहे. तो पाच एकदिवसीय कप सामने आणि तीन रेड-बॉल सामने खेळेल. (Kuldeep Yadav)
यॉर्कशायर क्लबने म्हटले आहे, "यॉर्कशायर काउंटी क्रिकेट क्लबला भारतीय फिरकी गोलंदाज कुलदीप यादवला परदेशी क्रिकेटपटू म्हणून करारबद्ध केल्याची घोषणा करताना आनंद होत आहे. हा ३१ वर्षीय क्रिकेटपटू पाच एकदिवसीय आंतरराष्ट्रीय सामन्यांसाठी उपलब्ध असेल आणि त्यानंतर सप्टेंबरमध्ये होणाऱ्या चार काउंटी चॅम्पियनशिप सामन्यांपैकी शेवटच्या तीन सामन्यांसाठी हेडिंग्ले येथे परत येईल."
यॉर्कशायरमध्ये सामील झाल्यावर कुलदीप म्हणाला, "मला यॉर्कशायरमध्ये सामील झाल्याचा आनंद आहे आणि या संधीबद्दल मी आभारी आहे. यॉर्कशायरसारख्या गौरवशाली इतिहास असलेल्या क्लबचे प्रतिनिधित्व करणे हा माझ्यासाठी खरा सन्मान असेल." मला इंग्लंडमधील परिस्थितीत खेळण्याचे आव्हान नेहमीच आवडले आहे आणि व्यवस्थापनाशी बोलल्यानंतर, मी संघात सामील होण्यासाठी खूप उत्सुक आहे.भारतीय संघाचे मुख्य प्रशिक्षक गौतम गंभीर यांनी त्याच्या क्षमतेवर फारसा विश्वास दाखवला नाही. पण यॉर्कशायर व्यवस्थापनाचा विश्वास आहे की इंग्लंडमधील परिस्थितीत कुलदीप संघासाठी एक महत्त्वपूर्ण क्रिकेटपटू ठरेल. यॉर्कशायरचे क्रिकेट महाव्यवस्थापक, गॅविन हॅमिल्टन म्हणाले, "कुलदीप एक उत्कृष्ट आंतरराष्ट्रीय क्रिकेटपटू आहे जो या सामन्यांदरम्यान आमच्या संघाला प्रचंड बळ देईल."