भारताचा डाव
न्यूझीलंडने विजयासाठी दिलेल्या 260 धावांचा पाठलाग करताना भारताचा डाव पहिल्या षटकात गडबडला. पहिल्या जेकब डफीने भारतीय संघाला बॅकफूटवर ढकललं. संजू सॅमसन आणि इशान किशन यांना पहिल्याच षटकात तंबूत पाठवलं. संजू सॅमसन 4 धावांवर बाद झाला, तर इशान किशनला खातंही खोलता आलं नाही. त्यानंतर अभिषेक शर्मा आणि श्रेयस अय्यर यांनी डाव सावरण्याचा प्रयत्न केला. पण त्यांना फार काळ मैदानात तग धरून खेळता आलं नाही. अभिषेक शर्मा 15 चेंडूत 27 धावा करून बाद झाला. त्या पाठोपाठ श्रेयस अय्यरही 22 धावांवर बाद झाला. अक्षर पटेल 7, नितीश कुमार रेड्डी 21 धावांवर तंबूत परतले आणि भारताचा पराभव निश्चित झाला. नमन धीर आणि तिलक वर्माने 16 चेंडूत 32 धावा केल्या. पण ही जोडीही फार काळ टिकली नाही. नमन धीर 13 चेंडूत 28 धावा करून बाद झाला. त्यानंतर आलेला अर्शदीप सिंग पहिल्या चेंडूवर तंबूत परतला.
न्यूझीलंडविरुद्धच्या चौथ्या टी20 सामन्यात श्रेयस अय्यरच्या नावावर अनोखा विक्रम, असं यापूर्वी कधीच घडलं नाही
[caption id="attachment_1070541" align="aligncenter" width="800"] न्यूझीलंडविरुद्धच्या टी20 मालिकेत श्रेयस अय्यरचं नशिब जोरदार असल्याचं दिसत आहे. खरं तर या मालिकेत मिचेल सँटनरला आपल्या ...
ऑकलँडचा इतिहास बदलला
भारताने यापूर्वी ऑकलंडमध्ये तीन टी20 सामने खेळले होते. तिन्ही सामन्यात भारताने न्यूझीलंडला पराभवाची धूळ चारली होती. पण चौथ्या सामन्यात न्यूझीलंडला इतिहास बदलला. न्यूझीलंडने मालिकेतील आणि मैदानातील चौथ्या सामन्यात इतिहास बदलून टाकला. या मैदानात आता 3-1 अशी स्थिती झाली आहे.