वृंदावन : भारतीय संघाचा स्टार फलंदाज विराट कोहलीने (Virat Kohli) इंग्लंडविरुद्धच्या एकदिवसीय मालिकेनंतर प्रेमानंद महाराजांची (Premanad Maharaj) भेट घेतली. कोहली आज म्हणजेच बुधवार २२ जुलै रोजी पत्नी अनुष्का शर्मासोबत वृंदावनला (Vrindavan) पोहोचला, जिथे त्यांनी प्रेमानंद महाराजांची भेट घेतली. यापूर्वी आयपीएल २०२६ संपल्यानंतर कोहलीने प्रेमानंद महाराजांचे आशीर्वाद घेण्यासाठी त्यांची भेट घेतली होती. हे सर्वश्रुत आहे की त्या हंगामात आरसीबीने विजेतेपद पटकावले होते.
कोहली आणि अनुष्का (Virushka) राधा केली कुंज आश्रमात अनवाणी चालताना दिसले आणि त्यांच्या भेटीचे व्हिडिओ सोशल मीडियावर वेगाने व्हायरल झाले. ऑनलाइन फिरणाऱ्या अनेक व्हिडिओंमध्ये हे जोडपे कडेकोट सुरक्षेत आश्रमात पोहोचताना दिसत आहे. अनुष्का आणि विराट दोघांनीही चेहऱ्यावर मास्क लावून आपली ओळख लपवण्याचा प्रयत्न केला. आश्रमातून निघताना विराट आणि अनुष्का हातात प्रसाद घेऊन चिखलाच्या रस्त्यावरून अनवाणी चालले.
अनुष्काने प्रेमानंद महाराजांच्या (Premanad Maharaj) दर्शनासाठी साधा पांढरा सलवार-सूट परिधान केला होता, तर विराट टी-शर्ट आणि पँटमध्ये कॅज्युअल लूकमध्ये दिसत होता. प्रेमानंद महाराजांचे आशीर्वाद घेण्यापूर्वी, ते दोघे आश्रमाच्या परिसरात फिरताना दिसले. कोहली आणि अनुष्काचे फोटो सोशल मीडियावर व्हायरल होत आहेत. दरम्यान, वृंदावनमध्ये, (Vrundavan) लोकांनी त्यांना पाहताच कोहली आणि अनुष्काचे फोटो काढायला सुरुवात केली.