बीड (Beed) जिल्ह्यातील शिदोड गावातून एक काळीज पिवटाळून टाकणारी घटना समोर आली आहे. 25 वर्षीय विवाहित महिलेने आपल्या 4 वर्षांच्या मुलीसह विहिरीत उडी घेत आत्महत्या केल्याचा प्रकार उघडकीस आला आहे. या घटनेमुळे संपूर्ण गावात हळहळ व्यक्त होत असून परिसरात शोककळा पसरली आहे. (Suicide)
मृत महिलेचे नाव अवंती तुषार शेंडगे तर तिच्या मुलीचे नाव तन्वी तुषार शेंडगे असे आहे. मिळालेल्या माहितीनुसार, बुधवारी दुपारच्या सुमारास अवंती आपल्या मुलीसह घरातून बाहेर पडली होती. मात्र बराच वेळ उलटूनही दोघी घरी परतल्या नाहीत. त्यामुळे कुटुंबीयांनी आणि गावकऱ्यांनी त्यांचा शोध घेण्यास सुरुवात केली. (Beed News)
शोधमोहीम सुरू असताना गावाजवळील नदीकाठच्या एका विहिरीजवळ त्यांची चप्पल आणि मोबाईल आढळून आला. यानंतर तातडीने पोलिसांना माहिती देण्यात आली. पोलीस आणि अग्निशमन दलाचे पथक घटनास्थळी दाखल झाले आणि विहिरीत शोधमोहीम सुरू करण्यात आली. (Police Investigation)
रात्री उशिरापर्यंत सुरू असलेल्या शोधकार्यात अखेर मध्यरात्रीच्या सुमारास आई आणि मुलीचे मृतदेह (Deathboy) विहिरीतून बाहेर काढण्यात आले. त्यानंतर दोन्ही मृतदेह शवविच्छेदनासाठी बीड जिल्हा रुग्णालयात पाठविण्यात आले. गुरुवारी सकाळी शवविच्छेदन पूर्ण झाल्यानंतर शिदोड गावात त्यांच्यावर अंत्यसंस्कार करण्यात आले.
या घटनेमागील नेमके कारण अद्याप स्पष्ट झालेले नाही. पोलिसांकडून विविध अंगांनी तपास सुरू असून कुटुंबीय आणि नातेवाईकांचे जबाब नोंदवले जात आहेत. तसेच या घटनेला कारणीभूत ठरलेल्या परिस्थितीचा शोध घेतला जात आहे. (Suicide Case)
अवघ्या 4 वर्षांच्या मुलीसह आईने इतके टोकाचे पाऊल उचलल्याने गावकऱ्यांमध्ये मोठी हळहळ व्यक्त होत आहे. या दुर्दैवी घटनेमुळे शिदोड गावात शोकाचे वातावरण असून अनेकांनी कुटुंबीयांप्रती संवेदना व्यक्त केल्या आहेत.