मुंबई : घर, दुकान, हॉटेल, कार्यालय आदी ठिकाणी सुरक्षेसाठी सीसीटीव्ही कॅमेरे बसवणे ही आता सामान्य बाब झाली आहे. हे सीसीटीव्ही(CCTV) कॅमेरे थेट प्रायव्हसीवर घाला घालतात असा विचारही कोणी करत नाही. पण मुंबईजवळच्या मीरा रोड येथे असा एक धक्कादायक प्रकार घडला आहे.(MIraroad News)
शेजाऱ्यांच्या घराबाहेर लावलेला सीसीटीव्ही कॅमेरा हा सुरक्षेसाठी असल्याचे मत घरात राहणाऱ्यांचे होते. पण तोच कॅमेरा प्रायव्हसीचा भंग करत आहे हे लक्षात आल्यावर स्थानिकांच्या पायाखालची जमीन सरकली.
सुरक्षा की फसवणूक ?
मीरा रोडमधील विनय नगर या परिसरातील एका प्लॅटमध्ये भाड्याने एक महिला राहते आणि तिच्या समोरच्या फ्लॅटमध्ये अमित झा नावाचा तरुण राहतो. अमित झा याने त्याच्या घराबाहेर एक विशेष ३६० अंशात फिरणारा सीसीटीव्ही कॅमेरा लावला होता. मात्र या कॅमऱ्याद्वारे आपल्या वैयक्तिक आणि खासगी आयुष्यात थेट डोकावले जात असल्याची शिवाय व्हिडिओ रेकॉर्डिंग होत असल्याची बाब तरुणीच्या लक्षात आली. या मुद्यावरून तरूणी आणि कॅमेऱ्याचा मालक यांच्यात वाद झाला.(Crime News)
नराधमाने तरुणीला व्हिडीओ सोशल मीडियावर व्हायरल करण्याची दिली धमकी
दोघांमधील वाद विकोपाला गेला. महिलेने याआधी अमित झा विरोधात एनसीआर देखील दाखल के होती, असे सर्व असतानाही आरोपीने महिलेचे खासगी व्हिडीओ सोशल मीडियावर व्हायरल करण्याची धमकी दिली. धक्कादायक म्हणजे जेव्हा महिलेचे खासगी व्हिडिओ सोशल मीडियावर व्हायरल झाल्याचे तिला कळले तेव्हा ती प्रचंड तणावाखाली गेली होती आणि त्यानंतर तिने याबाबत पोलिसांनी तक्रार नोंदवली.