मुबई : अलीकडेच, बॉलीवूड मधील प्रसिद्ध स्टार ऐश्वर्या आणि अभिषेक बच्चन न्यूयॉर्कमध्ये सुट्टी घालवताना दिसले होते. त्यांचा एक फोटो सध्या सोशल मीडियावर खूपच चर्चेत आहे. ज्यामध्ये हे जोडपे(Couple) न्यूयॉर्कमध्ये सुट्टीचा आनंद घेताना दिसत आहे. फोटोमध्ये, दोघेही कॅज्युअल कपड्यांमध्ये त्यांच्या चाहत्यांसोबत हसतमुखाने सेल्फीसाठी पोज देताना दिसत आहेत.
ऐश्वर्या-अभिषेक आणि आराध्या
अभिषेक बच्चन सध्या शाहरुख खान, दीपिका पदुकोण आणि सुहाना खान यांच्या 'किंग' चित्रपटाच्या (Movie) शूटिंगमध्ये व्यस्त आहे. मात्र, या फोटोमधून असे दिसून येते कि त्यानं आपल्या कुटुंबासोबत वेळ घालवण्यासाठी शूटिंगमधून ब्रेक घेतला आहे आणि आता तो आपल्या पत्नीसोबत वेळ घालवत आहेत. मात्र, हा फोटो पाहिल्यानंतर सर्व चाहत्यांच्या मनात एकाच प्रश्न आहे तो म्हणजे त्यांची लाडकी मुलगी आराध्या कुठे आहे? खरं तर, ऐश्वर्या आणि अभिषेक जिथे कुठे जातात, तिथे त्यांची मुलगी आराध्या नेहमी त्यांच्यासोबत असते. पण या फोटो मध्ये आराध्या दिसली नाही म्हणून चाहत्यांनी हा प्रश्न उचलून धरला आहे.
अफवांना पूर्णविराम!
नुकतेच, अभिषेक बच्चन आणि ऐश्वर्या राय बच्चन एका हाय-प्रोफाईल लग्नाला उपस्थित राहिले होते, जिथे त्यांची मुलगी आराध्यासुद्धा सोबत होती. फोटोंमध्ये, तिघेही एकत्र हसताना आणि एकमेकांच्या सहवासाचा आनंद घेताना दिसले. यामुळे मतभेदांच्या चर्चा तात्काळ थांबल्या. अलीकडेच ऐश्वर्या आणि अभिषेकच्या विभक्त होण्याच्या जोरदार अफवाही पसरल्या होत्या, परंतु या फोटोमुळे काहीही न बोलता या अफवांना त्वरित पूर्णविराम मिळाला आहे.
अभिषेक बच्चनबद्दल बोलायचे झाल्यास, तो रितेश देशमुखच्या 'राजा शिवाजी' या चित्रपटात दिसला होता, ज्याला प्रेक्षकांकडून प्रचंड प्रतिसाद मिळाला होता. या चित्रपटात त्याने संभाजी शहाजी भोसले अर्थात शिवाजी महाराजांचे बंधू आणि शहाजी राजांचे चिरंजीव यांची भूमिका साकारली होती. आता अभिषेक बच्चन शाहरुख खान, सुहाना खान आणि दीपिका पदुकोण यांच्यासोबत 'किंग' या चित्रपटात दिसणार आहे .ऐश्वर्या राय बच्चन ही अभिनेत्री बऱ्याच काळापासून मोठ्या पडद्यापासून दूर आहे. ती शेवटची २०२३ मध्ये मणिरत्नम यांच्या 'पोन्नियिन सेल्वन II' मध्ये दिसली होती आणि तिच्या आगामी चित्रपटांबद्दल कोणतीही माहिती उपलब्ध नाही.