A spectacular performance by Jhandu Kumar, who has opened India’s medal tally at the #CWG2026 by winning a Bronze in the Men’s Heavyweight Para Powerlifting event! Congratulations to him. His achievement is a powerful reflection of immense strength, unwavering determination and… pic.twitter.com/kMdkU6RRAF
— Narendra Modi (@narendramodi) July 25, 2026
पुरुषांच्या हेवीवेट पॅरा पॉवरलिफ्टिंग स्पर्धेत (Para Powerlifting) कांस्यपदक (Bronze medal) जिंकून झंडू कुमारने भारताला पहिले पदक मिळवून दिलले. या २८ वर्षीय खेळाडूने १८१ किलो आणि १९० किलो वजन यशस्वीरित्या उचलून १३०.९ गुण मिळवले. तो निर्णायक १९६ किलोचा प्रयत्न पूर्ण करू शकला नाही. या स्पर्धेतील भारताचा दुसरा खेळाडू सुधीर होता, जो ११४.१ गुणांसह सहाव्या स्थानावर राहिला. नायजेरियाच्या इद्रिस रिलुवानने १३२.८ गुणांसह सुवर्णपदक जिंकले. मॅथ्यू हार्डिंगने १३१ गुणांसह रौप्यपदक पटकावले. (Commonwealth Games 2026)
पंतप्रधान मोदींनी 'एक्स' या सोशल मीडिया प्लॅटफॉर्मवर म्हटले, "झंडू कुमारची शानदार कामगिरी! त्याने पुरुषांच्या हेवीवेट पॅरा-पॉवरलिफ्टिंग प्रकारात कांस्य पदक जिंकून २०२६ च्या राष्ट्रकुल क्रीडा स्पर्धेत भारताच्या पदकतालिकेचे उद्घाटन केले आहे. त्याचे अभिनंदन! त्याची ही कामगिरी त्याची प्रचंड ताकद, अढळ निर्धार आणि अनेक वर्षांच्या शिस्तबद्ध मेहनतीचे एक उत्तम उदाहरण आहे. प्रत्येक आव्हानाला सामोरे जाऊन आणि आंतरराष्ट्रीय स्तरावर उत्कृष्ट कामगिरी करून, त्याने संपूर्ण राष्ट्राला गौरव मिळवून दिला आहे आणि असंख्य भारतीयांना प्रेरणा दिली आहे."भारतीय पॅरा-पॉवरलिफ्टर झंडू कुमारने शुक्रवारी रात्री उशिरा पुरुषांच्या हेवीवेट पॅरा-पॉवरलिफ्टिंग प्रकारात कांस्य पदक जिंकून देशाला या स्पर्धेतील पहिले पदक मिळवून दिले.
भारताचा पदकतालिकेत पहिल्या १० मध्ये प्रवेश :
एका पदकासह भारताने राष्ट्रकुल क्रीडा स्पर्धा २०२६ च्या (Commonwealth Games 2026) पदकतालिकेत अव्वल १० देशांमध्ये स्थान मिळवले आहे. एका कांस्य पदकासह भारताने ९ वे स्थान पटकावले आहे. एकूण १३ पदकांसह ऑस्ट्रेलिया अव्वल स्थानावर आहे. विशेष म्हणजे, ग्लासगो राष्ट्रकुल क्रीडा स्पर्धेत एकूण ७४ देशांनी सहभाग घेतला होता.