गडचिरोली : गडचिरोलीच्या राजकारणात (Politics) काँग्रेसला (Congress) मोठा धक्का बसला आहे. काँग्रेसचे ज्येष्ठ नेते विजय वडेट्टीवार यांच्या बालेकिल्ल्यात भाजपने मोठी राजकीय खेळी केली आहे. धानोरा नगरपंचायतीच्या (Municipal Council) नगराध्यक्ष, उपनगराध्यक्ष (Vice President) आणि तब्बल ९ नगरसेवकांनी काँग्रेसची साथ सोडत भाजपमध्ये प्रवेश केला. नागपुरात महसूल मंत्री चंद्रशेखर बावनकुळे यांच्या उपस्थितीत हा पक्षप्रवेश (Party Joining) सोहळा पार पडला.
धानोरा नगरपंचायतीत (Municipal Council) काँग्रेसचे १३ नगरसेवक होते. मात्र, उपनगराध्यक्ष ललित बरछा यांच्या नेतृत्वाखाली नगराध्यक्षा पौर्णिमा सयाम, भूषण उंदीरवाडे, माणिक मडावी, कालिदास मोहुर्ले, नरेश चिमूरकर, सुषमा भुरसे, सीमा काटेंगे आणि यामिना पेंदाम यांनी भाजपमध्ये प्रवेश केला. या घडामोडीनंतर काँग्रेसकडे केवळ चार नगरसेवक उरले असून धानोरा नगरपंचायतीतील राजकीय समीकरणे (Political Equations) पूर्णपणे बदलण्याची चिन्हे दिसत आहेत.
आगामी स्थानिक स्वराज्य संस्था (Local Body) निवडणुकांच्या पार्श्वभूमीवर भाजपसाठी हा मोठा राजकीय विजय मानला जात आहे. दुसरीकडे, विजय वडेट्टीवार यांच्या प्रभावक्षेत्रात (Stronghold) झालेल्या या पक्षांतरामुळे काँग्रेसला मोठा धक्का बसल्याची चर्चा राजकीय वर्तुळात सुरू आहे.
धानोरा नगरपंचायत (Municipal Council) निवडणुकीत काँग्रेसने १७ पैकी १३ जागा जिंकत एकहाती सत्ता (Majority) मिळवली होती. विजय वडेट्टीवार यांच्या नेतृत्वाखाली पक्षाने या नगरपंचायतीत मोठे यश संपादन केले होते. मात्र, आता त्याच १३ पैकी ९ नगरसेवकांनी भाजपमध्ये प्रवेश केल्याने नगरपंचायतीतील सत्तेचे (Power) चित्र बदलले आहे. विशेष म्हणजे या पक्षप्रवेशात नगराध्यक्षांचाही समावेश असल्याने हा विजय वडेट्टीवार यांच्यासाठी मोठा राजकीय धक्का मानला जात आहे.
महसूल मंत्री चंद्रशेखर बावनकुळे यांच्या उपस्थितीत झालेल्या या पक्षप्रवेशामुळे धानोरा नगरपंचायतीवर भाजपचे वर्चस्व (Dominance) निर्माण झाल्याचे चित्र असून, आगामी निवडणुकांच्या दृष्टीने हा पक्षासाठी महत्त्वाचा राजकीय टप्पा मानला जात आहे.