PMSBY : PMSBY म्हणजे प्रधानमंत्री सुरक्षा विमा योजना, ही भारतातील एक सरकारी अपघात विमा योजना आहे जी अपघाती मृत्यू आणि अपंगत्वासाठी परवडणारे जोखीम संरक्षण प्रदान करते. वर्षाला केवळ २० रुपये प्रीमियम भरून २ लाख रुपयांपर्यंतचा अपघात विमा मिळत असल्याने ही योजना सर्वसामान्यांसाठी अत्यंत उपयुक्त ठरत आहे. या योजनेत सहभागी होण्यासाठी बँक किंवा पोस्ट ऑफिसमध्ये बचत खाते असणे आवश्यक आहे. प्रीमियमची रक्कम दरवर्षी १ जून रोजी किंवा त्यापूर्वी ऑटो-डेबिटद्वारे खात्यातून वजा केली जाते. विमा संरक्षणाचा कालावधी १ जून ते ३१ मे असा एक वर्षाचा असतो.
योजनेचे फायदे
अपघाती मृत्यू झाल्यास नामनिर्देशित व्यक्तीला २ लाख रुपये मिळतात.
दोन्ही डोळ्यांची कायमस्वरूपी दृष्टी जाणे किंवा दोन्ही हात अथवा दोन्ही पाय निकामी होणे, तसेच एका डोळ्याची दृष्टी आणि एका हाताचा किंवा पायाचा वापर
कायमचा गमावल्यास २ लाख रुपयांची मदत मिळते.
एका डोळ्याची कायमस्वरूपी दृष्टी जाणे किंवा एका हाताचा अथवा पायाचा वापर कायमचा गमावल्यास १ लाख रुपयांचे विमा संरक्षण मिळते.
योजनेची पात्रता काय ?
वय १८ ते ७० वर्षे असावे.
सहभागी बँक किंवा पोस्ट ऑफिसमध्ये वैयक्तिक बचत खाते असावे.
खातेदाराने ऑटो-डेबिटसाठी संमती दिलेली असावी.
वार्षिक प्रीमियम खात्यातून वजा होण्यासाठी पुरेशी रक्कम उपलब्ध असणे आवश्यक आहे.
विमा संरक्षण कधी संपते ?
सदस्याचे वय ७० वर्षे पूर्ण झाल्यानंतर.
बँक खाते बंद झाल्यास.
खात्यात प्रीमियम वजा होण्यासाठी पुरेशी शिल्लक नसल्यास.
एकापेक्षा जास्त खात्यांद्वारे नोंदणी केली असल्यास विमा संरक्षण कमाल २ लाख रुपयांपर्यंतच मर्यादित राहते.
अर्ज प्रक्रिया
ऑफलाइन / ऑनलाइन अर्ज प्रक्रिया पद्धत :
संबंधित बँकेच्या शाखेत जाऊन अर्ज भरता येतो.
अथवा जनसुरक्षा पोर्टलवरून अर्ज डाउनलोड करून आवश्यक कागदपत्रांसह बँकेत जमा करता येतो.
https://jansuraksha.gov.in/Forms-PMSBY.aspx फॉर्म डाउनलोड करण्यासाठी
अर्ज मंजूर झाल्यानंतर विमा प्रमाणपत्र दिले जाते.
सहभागी बँकेच्या इंटरनेट बँकिंग किंवा मोबाईल बँकिंग सुविधेद्वारे, उपलब्ध असल्यास, योजनेत नोंदणी करता येते.
संपर्क :
राज्यनिहाय टोलफ्री क्रमांक -https://jansuraksha.gov.in/files/STATEWISETOLLFREE.pdf
महत्त्वाचे
वार्षिक प्रीमियम : २० रुपये
विमा संरक्षण : १ जून ते ३१ मे
कमाल विमा रक्कम : २ लाख रुपय
नागरिकांनी अत्यल्प प्रीमियममध्ये उपलब्ध असलेल्या या योजनेचा लाभ घेऊन स्वतःसह कुटुंबाला आर्थिक सुरक्षा देण्याचे आवाहन करण्यात आले आहे.