मुंबई : भारत आणि श्रीलंका यांच्यात ऑगस्टमध्ये दोन सामन्यांची कसोटी मालिका खेळली जाणार आहे. या मालिकेसाठी भारतीय क्रिकेट नियामक मंडळाने (बीसीसीआय) संघाची घोषणा केली आहे. अष्टपैलू खेळाडू वॉशिंग्टन सुंदरला इंग्लंड दौऱ्यावर दुखापत झाली होती , यामुळे त्याची पहिल्या कसोटी सामन्यासाठी निवड करण्यात आली नाही. जसप्रीत बुमराह आणि साई सुदर्शन यांचा संघात समावेश करण्यात आला आहे.वॉशिंग्टन सुंदरला इंग्लंडविरुद्धच्या तिसर्‍या एकदिवसीय सामन्यात दुखापत झाली होती, यामुळे तो श्रीलंका मालिकेला मुकण्याची शक्यता वर्तवली जात आहे. त्याच्या जागी भारतीय संघात पहिल्यांदाच ऑफ-स्पिनर सारांश जैनची निवड करण्यात आली आहे. (IND VS SL)
कोण आहे सारांश जैन (Saransh Jain)?
सारांश जैनचा पहिल्यांदाच भारतीय संघात समावेश करण्यात आले आहे. ३३ वर्षीय डावखुरा फलंदाज आणि उजव्या हाताचा ऑफ-स्पिन गोलंदाज असलेल्या सारांश जैनने एप्रिल २०१४ मध्ये मध्य प्रदेशकडून प्रथम श्रेणी क्रिकेटमध्ये पदार्पण केले. आतापर्यंत त्याने ५४ प्रथम श्रेणी सामन्यांमध्ये २७.८० च्या सरासरीने १८८ विकेट्स घेतले आहेत. फलंदाज म्हणून त्याने ३१.७५ च्या सरासरीने २२२३ धावा केल्या आहेत, ज्यामध्ये दोन शतके आणि १४ अर्धशतकांचा समावेश आहे. 'लिस्ट-ए' (List-A) क्रिकेटमध्ये सारांशने ४७ सामन्यांत ५५३ धावा केल्या आणि ३८ विकेट्स घेतल्या आहेत, तर २० टी-२० सामन्यांत त्याने १८ बळी आणि ३७ धावांची नोंद केली आहे. याच अष्टपैलू कामगिरीमुळे तो सातत्याने निवडकर्त्यांच्या नजरेत राहिला आहे.(IND VS SL)
🚨 News 🚨#TeamIndia's squad for the 2⃣-match Test Series against Sri Lanka announced
Note: Washington Sundar was not available for selection for the first Test.
More Details ▶️ https://t.co/Vk0Xd8Axmq #SLvIND pic.twitter.com/NuCcKBohMj
— BCCI (@BCCI) July 28, 2026
भारत विरुद्ध श्रीलंका कसोटी सामन्याचे वेळापत्रक
श्रीलंकेविरुद्धच्या कसोटी मालिकेआधी भारतीय संघ कोलंबोत सात ऑगस्टपासून चार दिवसांचा सराव सामना खेळणार आहे.
कसोटी मालिकेचे वेळापत्रक - ऑगस्ट २०२६
पहिली कसोटी (गॅले) - १५ ते १९ ऑगस्ट
दुसरी कसोटी (कोलंबो)- २३ ते २७ ऑगस्ट
श्रीलंका कसोटी मालिकेसाठी भारताचा संघ
शुभमन गिल (कर्णधार), केएल राहुल (उपकर्णधार), यशस्वी जयस्वाल, रिषभ पंत (यष्टीरक्षक), साई सुदर्शन* (फिटनेस चाचणीच्या निकालावर अवलंबून) , ध्रुव जुरेल (यष्टीरक्षक), रवींद्र जडेजा, कुलदीप यादव, मानव सुथार, जसप्रीत बुमराह, मोहम्मद सिराज, प्रसिद्ध कृष्णा, गुरनूर ब्रार, देवदत्त पडिक्कल, सारांश जैन