ग्लासगो : कॉमनवेल्थ गेम्स २०२६ या स्पर्धेत भारतीय खेळाडूंनी उत्तम कामगिरी करत आतापर्यंत १० पदके जिंकली आहेत. यात सर्वाधिक पदके भारताने वेटलिफ्टिंग या खेळात जिंकली आहेत. कॉमनवेल्थ गेम्स २०२६ मध्ये पुरुषांच्या ७९ किलो वजनी गटात आंध्र प्रदेशातील विझियानगरम जिल्ह्याचा रहिवासी वल्लुरी अजय बाबू याने क्लीन अँड जर्कमध्ये १८१ किलो वजन उचलून रौप्य पदक जिंकले आहे. (CWG 2026)
मलेशियाच्या अरी हिदायत मुहम्मदने एकूण ३३१ किलो वजन (१४७ किलो स्नॅच आणि १८४ किलो क्लीन अँड जर्क) उचलून सुवर्णपदक जिंकले. इंग्लंडच्या ख्रिस मरेने एकूण ३२५ किलो वजन उचलून कांस्यपदक पटकावले.अजय बाबूने १४५ किलो वजन उचलून यशस्वी सुरुवात केली. दुसऱ्या प्रयत्नात १४९ किलो वजन उचलण्यात अपयशी ठरल्यानंतर, त्याने आपल्या अंतिम प्रयत्नात तेच वजन यशस्वीपणे उचलून एक नवीन गेम विक्रम केला. स्नॅचनंतर तो इंग्लंडच्या ख्रिस मरे (१४८ किलो) आणि मलेशियाच्या हिदायत (१४७ किलो) यांच्या पुढे होता.(CWG 2026)
🥈 India continues its medal-winning journey at the Commonwealth Games 2026! 🇮🇳
Heartiest congratulations to Valluri Ajaya Babu on winning the Silver Medal in the Men's 79 kg Weightlifting event at the Commonwealth Games 2026, Glasgow, Scotland.
With an impressive Total Lift of… pic.twitter.com/145YV0RQgG
— Youth Games Council India (@ygci_india_) July 28, 2026
पिता-पुत्राच्या जोडीने रचला इतिहास!
अजय बाबू आंध्र प्रदेशातील विझियानगरम जिल्ह्यातील कोंडावेलागडा गावचा रहिवासी आहे. हे गाव वेटलिफ्टिंगच्या प्राचीन परंपरेसाठी आणि दगड उचलण्याच्या पारंपरिक संस्कृतीसाठी प्रसिद्ध आहे. त्याचे वडील, वल्लुरी श्रीनिवास राव, हे माजी आंतरराष्ट्रीय वेटलिफ्टर असून आता फुल शेती करतात. त्यांनी २०१० च्या दिल्ली गेम्समध्ये ५६ किलो वजनी गटात कांस्य पदक जिंकले होते. सोळा वर्षांनंतर, वडिलांच्या मार्गदर्शनाखाली आणि सुरुवातीच्या काळातच, तरुण वल्लुरीने राष्ट्रकुल खेळांच्या मंचावर त्यांना मागे टाकून इतिहास रचला. (Valluri Ajaya Babu)
कॉमनवेल्थ गेम्स २०२६ मधील भारताची वेटलिफ्टिंगमधील सहा पदकं:
मीराबाई चानू : सुवर्ण (महिला ४८ किलो)
वल्लुरी अजय बाबू: रौप्य (पुरुष ७९ किलो)
ज्ञानेश्वरी यादव : रौप्य (महिला ५३ किलो)
चनम्बम ऋषिकांत सिंग : रौप्य (पुरुष ६० किलो)
मुथुपंडी राजा : रौप्य (पुरुष ६५ किलो)