अपघाताचे थरारक दृश्य कॅमेऱ्यात कैद
Bhiwandi, Maharashtra: Eight people were injured after a Trax jeep carrying 10 family members returning from Mumbai Airport crashed into a stationary truck near Pogaon on the Mumbai–Nashik Highway. The family had gone to see off relatives travelling to Saudi Arabia for the Umrah… pic.twitter.com/S5Q78brdq8
— IANS (@ians_india) July 30, 2026
या भीषण अपघाताचा थरारक व्हिडिओ सोशल मीडियावर वेगाने व्हायरल होत आहे. ट्रकला बसलेल्या भीषण धडकेत जिपच्या पुढील भागाचा अक्षरशः चक्काचूर झाला आहे. अपघात घडताच आसपासच्या स्थानिकांनी आणि प्रत्यक्षदर्शींनी प्रसंगावधान राखत तातडीने घटनास्थळी धाव घेतली आणि गाडीत अडकलेल्या जखमींना बाहेर काढण्यास मदत केली.
उमराहला जाणाऱ्या नातेवाईकांना निरोप देऊन परतताना काळरात्र
मिळालेल्या माहितीनुसार, भिवंडीतील चाळीसगाव परिसरातील एकाच कुटुंबातील सुमारे १० सदस्य आपल्या नातेवाईकांना उमराह यात्रेसाठी सौदी अरेबियाला निरोप देण्यासाठी मुंबई विमानतळावर गेले होते. तेथून परतत असताना पोगावजवळ त्यांच्या वाहनाला हा अपघात झाला. "आम्ही चाळीसगाववरून नातेवाईकांना सोडण्यासाठी विमानतळावर आलो होतो आणि परत जाताना हा दुर्दैवी अपघात घडला," अशी माहिती जिप चालकाने दिली.
ओवरटेकिंगच्या प्रयत्नात भीषण अपघात
अपघाताचे कारण सांगताना चालकाने सांगितले की, "रात्रीची वेळ होती आणि रिमझिम पाऊस पडत होता. रस्त्याच्या दोन्ही बाजूला वाहनांची वर्दळ होती. बाजूच्या वाहनाला ओव्हरटेक करून पुढे जाण्याचा प्रयत्न करत असताना रस्त्याच्या कडेला उभ्या असलेल्या ट्रकाचा अंदाज आला नाही आणि गाडी थेट त्यावर जाऊन धडकली."
८ जण जखमी, चौघांची प्रकृती चिंताजनक
अपघाताची बातमी समजताच स्थानिक रुग्णवाहिका आणि पोलिसांनी तातडीने मदतीसाठी धाव घेतली. स्थानिकांच्या मदतीने जखमींना तातडीने भिवंडीतील इंदिरा गांधी उपजिल्हा रुग्णालयात उपचारासाठी दाखल करण्यात आले. जखमींपैकी चौघांची प्रकृती अत्यंत चिंताजनक असल्याचे समजते. पोलीस या प्रकरणाचा अधिक तपास करत आहेत.