Commonwealth Games 2026 : राष्ट्रकुल क्रीडा स्पर्धेत भारताची दमदार घोडदौड! दिलीप महादू गोवितचे सुवर्ण, बासिल आणि श्रीशंकरची रौप्य झेप

मुंबई : राष्ट्रकुल क्रीडा स्पर्धा २०२६ च्या सातव्या दिवशी भारतीय खेळाडूंनी शानदार कामगिरी करत आणखी तीन पदकांची कमाई केली. यामध्ये एक सुवर्ण आणि दोन रौप्य पदकांचा समावेश असून, भारताच्या एकूण पदकांची संख्या आता १५ वर पोहोचली आहे. दिवसातील सर्वात मोठे यश दिलीप महादू गोवित यांनी मिळवले. त्यांनी पुरुषांच्या पॅरा १०० मीटर टी४७ स्पर्धेत दमदार धाव घेत भारताला सुवर्णपदक मिळवून दिले. त्यांच्या या ऐतिहासिक कामगिरीमुळे भारताच्या सुवर्णपदकांच्या खात्यात आणखी एक भर पडली. (Commonwealth Games 2026)

याच स्पर्धेत भारताच्या मोहम्मद बासिल मोरासिंगनाकथ यांनी उत्कृष्ट प्रदर्शन करत रौप्यपदक पटकावले. तर भारताचा स्टार लांब उडीपटू एम. श्रीशंकर याने ८.०९ मीटर उडी मारत पुरुषांच्या लांब उडी स्पर्धेत रौप्यपदकाची कमाई केली. सातव्या दिवसाअखेर भारताच्या खात्यात ३ सुवर्ण, ९ रौप्य आणि ३ कांस्य अशी एकूण १५ पदके जमा झाली आहेत. आठव्या दिवशीही भारतीय खेळाडू विविध स्पर्धांमध्ये पदकांसाठी मैदानात उतरणार असून भारताला पदकसंख्येत आणखी वाढ होण्याची अपेक्षा आहे. (Commonwealth Games 2026)

राष्ट्रकुल क्रीडा स्पर्धा २०२६ : भारताचे पदक विजेते (आतापर्यंत)

सुवर्ण पदके (३)

मीराबाई चानू – महिला ४८ किलो वेटलिफ्टिंग
शर्मिला धनकर – महिला शॉटपुट F57 (पॅरा ॲथलेटिक्स)
दिलीप महादू गोवित – पुरुष पॅरा १०० मीटर टी४७ (Commonwealth Games 2026)

रौप्य पदके (९)

ऋषिकांत सिंग – पुरुष ६० किलो वेटलिफ्टिंग
मुथुपंडी राजा – पुरुष ६५ किलो वेटलिफ्टिंग
ज्ञानेश्वरी यादव – महिला ५३ किलो वेटलिफ्टिंग
वल्लुरी अजय बाबू – पुरुष ७९ किलो वेटलिफ्टिंग
हरजिंदर कौर – महिला ६९ किलो वेटलिफ्टिंग
सर्वेश कुशारे – पुरुष उंच उडीteam India
गुलवीर सिंग – पुरुष १०,००० मीटर धाव
एम. श्रीशंकर – पुरुष लांब उडी (८.०९ मीटर)
मोहम्मद बासिल मोरासिंगनाकथ – पुरुष पॅरा १०० मीटर टी४७ (Commonwealth Games 2026)

कांस्य पदके (३)

झंडू कुमार – पुरुष हेवीवेट पॅरा पॉवरलिफ्टिंग
बिंद्याराणी देवी – महिला ५८ किलो वेटलिफ्टिंग
शिल्पा के. शायला – महिला गोळाफेक F57 (पॅरा ॲथलेटिक्स) (Commonwealth Games 2026)

एकूण पदके : १५ (३ सुवर्ण, ९ रौप्य, ३ कांस्य)

भारतीय खेळाडूंच्या सातत्यपूर्ण उत्कृष्ट कामगिरीमुळे राष्ट्रकुल क्रीडा स्पर्धेत भारताची पदकांची घोडदौड कायम असून, आगामी स्पर्धांमध्येही आणखी पदकांची अपेक्षा व्यक्त केली जात आहे. (Commonwealth Games 2026)