Jalgaon : स्मार्ट मीटरनंतरही वीज चोरी ? जळगावात महावितरणकडून दोघांविरोधात गुन्हे दाखल

Jalgaon : स्मार्ट मीटरमुळे थकबाकीपोटी वीजपुरवठा आपोआप खंडित होत असतानाही अनधिकृतपणे वीज जोडणी करून वीज वापर करणाऱ्या ग्राहकांविरोधात महावितरणने कारवाईचा बडगा उगारला आहे. जळगाव शहरात थकबाकीपोटी स्मार्ट मीटरमधून वीजपुरवठा खंडित झाल्यानंतरही आकडा टाकून अनधिकृतपणे वीज वापरणाऱ्या आणखी दोन ग्राहकांविरोधात गुन्हे दाखल करण्यात आले आहेत. जळगाव शहरातील नितीन साहित्यानगर (Nitin Sahityanagar) आणि सुप्रीम कॉलनी (Supreme Colony) परिसरात महावितरणच्या पथकाने केलेल्या तपासणीत हे दोन्ही प्रकार समोर आले. थकबाकी न भरता अधिकृत वीज जोडणी बंद असतानाही वीज वाहिनीवर आकडा टाकून वीज वापरल्याचे तपासणीत आढळले.



वीज वाहिनीवर आकडा टाकला अन्...


नितीन साहित्यानगर येथील संजय भगवान महाजन यांच्या वीज जोडणीचा थकबाकीमुळे स्मार्ट मीटरद्वारे वीजपुरवठा खंडित करण्यात आला होता. मात्र, त्यांनी घराशेजारील लघुदाब वीज वाहिनीवर आकडा टाकून अनधिकृतपणे वीजपुरवठा (Unauthorized electricity supply) सुरू केला. या प्रकरणात सुमारे २ हजार १२० रुपयांची वीजचोरी झाल्याचे महावितरणच्या तपासणीत समोर आले. तर दुसऱ्या घटनेत सुप्रीम कॉलनीतील रहिवासी अकिब शाह अब्दुल रहमान शाह यांचा वीजपुरवठा थकबाकीपोटी स्मार्ट मीटरद्वारे खंडित करण्यात आला होता. मात्र, त्यांनीही अधिकृत वीज जोडणी बंद असताना वीज वाहिनीवर आकडा टाकून वीज वापरल्याचे तपासणीत निष्पन्न झाले. या प्रकरणात सुमारे १ हजार २३० रुपयांची वीजचोरी झाल्याचे महावितरणने नमूद केले आहे.



महावितरणकडून दोघांविरोधात गुन्हे दाखल


महावितरणचे सहायक अभियंता विशाल नेमाडे यांच्या तक्रारीवरून दोन्ही ग्राहकांविरोधात भारतीय विद्युत कायद्यातील कलम १३५ अन्वये गुन्हे दाखल करण्यात आले आहेत. १० ऑगस्ट रोजी जिल्हापेठ पोलीस ठाण्यात(Zilhapeth Police Station) ही कारवाई करण्यात आली. विशेष म्हणजे, यापूर्वी शुक्रवारी अशाच प्रकारच्या तीन ग्राहकांविरोधात गुन्हे दाखल करण्यात आले होते. त्यानंतर आता आणखी दोन प्रकरणे समोर आल्याने स्मार्ट मीटर बसविल्यानंतरही अनधिकृत जोडणी करून वीज वापरण्याचे प्रकार सुरू असल्याचे स्पष्ट झाले आहे.



वीजचोरीप्रकरणी कायदेशीर कारवाई करणार


दरम्यान, थकबाकीमुळे वीजपुरवठा खंडित झालेल्या ग्राहकांनी परस्पर जोडणी करून वीज वापरू नये, असे आवाहन महावितरणने केले आहे. अनधिकृतपणे वीज जोडणी केल्याचे आढळल्यास संबंधित ग्राहकाविरोधात वीजचोरीप्रकरणी कायदेशीर कारवाई करण्यात येणार आहे. त्यामुळे थकबाकीदार ग्राहकांनी वीज बिलाचा भरणा करून अधिकृत वीजपुरवठा सुरू करून घ्यावा, असे आवाहन महावितरणकडून करण्यात आले आहे.

Comments
Add Comment

Eknath Shinde : पर्यावरण जनजागृतीसाठी राज्यभर फिरणार 5 विशेष रथ; उपमुख्यमंत्री एकनाथ शिंदे यांच्या हस्ते उद्घाटन

पंढरपूर : पर्यावरण संवर्धनाचे महत्त्व विद्यार्थ्यांना लहान वयातच समजावे, यासाठी महाराष्ट्र प्रदूषण नियंत्रण

PM SVANidhi : PM स्वनिधी पुरस्कार 2026 मध्ये महाराष्ट्राची बाजी; राज्याला 5 राष्ट्रीय पुरस्कार

Maharashtra News: पथविक्रेत्यांच्या आर्थिक सक्षमीकरणासाठी राबवण्यात येणाऱ्या प्रधानमंत्री पथविक्रेता आत्मनिर्भर निधी

Food And Drug Administration : FDA ची राज्यभरात मोठी कारवाई; 7 महिन्यांत 152.65 कोटींचा अन्नसाठा जप्त, 1,688 जणांना अटक

मुंबई : राज्यातील अन्नपदार्थांची गुणवत्ता आणि सुरक्षितता राखण्यासाठी अन्न व औषध प्रशासनाने (FDA) मोठी कारवाई केली

पाणीटंचाईग्रस्त गावांना टँकरद्वारे तातडीने पाणीपुरवठा करा, मंत्री गुलाबराव पाटील यांचे निर्देश

राज्यात संभाव्य दुष्काळसदृश परिस्थितीचे सावट लक्षात घेता राज्य सरकार आता अलर्ट मोडवर आले आहे. ज्या गावांमध्ये

IAS officers Transfers : राज्यातील चार वरिष्ठ सनदी अधिकाऱ्यांच्या बदल्या

मुंबई: राज्य शासनाने शुक्रवारी (२० नोव्हेंबर) चार वरिष्ठ सनदी अधिकाऱ्यांच्या (IAS) बदल्यांचे आदेश जारी केले.

Revenue Department : दोन लाखांवरील रोख व्यवहारांची माहिती आता आयकर विभागाला जाणार, महसूल विभागाचा निर्णय

मुंबई : जमीन किंवा मालमत्तेच्या खरेदी-विक्री व्यवहारात दोन लाख रुपये किंवा त्यापेक्षा अधिक रक्कम रोखीने दिल्यास