फुटबॉलविश्वातील दिग्गज स्टार क्रिस्टियानो रोनाल्डोच्या चाहत्यांसाठी मोठी आणि आनंदाची बातमी आहे. रोनाल्डोने अखेर त्याची दीर्घकाळची साथीदार जॉर्जिना रॉड्रिग्ज हिच्यासोबत लग्न केले आहे. तब्बल दहा वर्षांच्या प्रेमसंबंधानंतर दोघांनी विवाहबंधनात अडकण्याचा निर्णय घेतला. या लग्नाची माहिती समोर येताच जगभरातील रोनाल्डोच्या चाहत्यांमध्ये आनंदाचे वातावरण आहे.
मिळालेल्या माहितीनुसार, 11 ऑगस्ट 2026 रोजी पोर्तुगालमधील कॅस्केइस येथे अत्यंत खासगी आणि साध्या नागरी सोहळ्यात रोनाल्डो आणि जॉर्जिनाने लग्न केले. या विवाहसोहळ्यापासून दूर राहून दोघांनी हा खास क्षण आपल्या कुटुंबीय आणि जवळच्या व्यक्तींसोबत साजरा केल्याचे वृत्त आहे.
❤️💍 A love story written in the stars. Cristiano Ronaldo and Georgina Rodríguez have officially said “I do.” 🥹✨
From years of love and memories to forever together — congratulations to the beautiful couple! 👰🏻♀️🤵🏼♂️❤️
Cristiano & Georgina — forever starts now. 🥂💍 https://t.co/5KMHsOO3Xf pic.twitter.com/XibMSyFY2I
— Obuasimayor (@obua24) August 11, 2026
विशेष म्हणजे, लग्नाच्या बातमीपूर्वी दोघांनी सोशल मीडियावर आपल्या लग्नाच्या अंगठ्यांचा फोटो शेअर केला. त्यामुळे चाहत्यांना त्यांच्या आयुष्यातील या नव्या अध्यायाची अधिकृत माहिती मिळाली. रोनाल्डो आणि जॉर्जिनाची प्रेमकहाणी 2016 पासून सुरू झाली. त्यानंतर दोघेही अनेक वर्षे एकत्र राहिले. 11 ऑगस्ट 2025 रोजी जॉर्जिनाने सोशल मीडियावर मोठी डायमंड एंगेजमेंट रिंग दाखवत रोनाल्डोसोबत साखरपुडा झाल्याची घोषणा केली होती. त्यानंतर अगदी एक वर्ष पूर्ण होत असतानाच दोघांनी लग्न केले.
या जोडप्याला मोठे कुटुंब आहे. रोनाल्डो आणि जॉर्जिना मिळून मुलांचा सांभाळ करतात. त्यांच्या कुटुंबाने अनेक आनंदाचे तसेच कठीण प्रसंगही एकत्र अनुभवले आहेत. रोनाल्डो सध्या फुटबॉलच्या मैदानावर आपल्या कारकिर्दीचा ठसा उमटवत असतानाच आता त्याच्या वैयक्तिक आयुष्यातही एक नवा अध्याय सुरू झाला आहे. दहा वर्षांचे प्रेम, एक मोठी एंगेजमेंट आणि अखेर लग्न! रोनाल्डो-जॉर्जिनाच्या या खास क्षणाने पुन्हा एकदा जगाचे लक्ष वेधून घेतले आहे.