Navnath Ban : आदिवासी शाळांच्या अनुदानावरून भाजपचा काँग्रेसवर निशाणा; नवनाथ बन यांचा संजय राऊतांना सवाल

मुंबई : आदिवासी आश्रमशाळा, विद्यार्थ्यांना मिळणारे अनुदान आणि शाळांमधील कथित गैरप्रकारांवरून महाराष्ट्रातील राजकीय वातावरण पुन्हा तापले आहे. भाजप प्रदेश मुख्य प्रवक्ते नवनाथ बन यांनी शिवसेना (उद्धव बाळासाहेब ठाकरे) गटाचे नेते संजय राऊत यांच्यावर निशाणा साधत काँग्रेसच्या काळातील आश्रमशाळांच्या वाटपावर प्रश्न उपस्थित केले आहेत. (Navnath Ban)


“काँग्रेसच्या काळात आश्रमशाळा काँग्रेस नेत्यांना आंदण देण्यात आल्या. आदिवासी शाळांचे वाटप भ्रष्टाचाराचे कुरण म्हणून करण्यात आल्याचे आकडेवारीवरून स्पष्ट होते,” असा आरोप नवनाथ बन यांनी केला. तसेच आदिवासी विभागातील कथित गैरप्रकारांवरून काँग्रेस नेत्यांना जाब विचारण्याची मागणी त्यांनी केली. (Navnath Ban)



‘काँग्रेस नेत्यांच्या आश्रमशाळांमध्ये काय चाललंय?’


आदिवासी विद्यार्थ्यांना शासनाकडून मिळणाऱ्या अनुदानाचा लाभ त्यांच्यापर्यंत पोहोचला पाहिजे, मात्र काही संस्थाचालक विद्यार्थ्यांचा हक्क हिरावून घेत असल्याचा आरोप बन यांनी केला. “विद्यार्थ्यांना त्यांचा हक्क देण्याचे काम राज्य सरकार करते. मात्र, मधले संस्थाचालक आणि काँग्रेसचे दलाल विद्यार्थ्यांचा हक्क हिरावून स्वतःची घरे भरत आहेत,” असा दावा त्यांनी केला. (Navnath Ban)



पुण्यात विद्यार्थ्यांचे आंदोलन आणि गडचिरोलीतील आदिवासी विद्यार्थिनींच्या सर्पदंशाच्या घटनेचा संदर्भ देत त्यांनी काँग्रेस नेत्यांच्या भूमिकेवरही प्रश्न उपस्थित केला. आदिवासी विद्यार्थ्यांच्या अनुदानातून कथित कमिशन घेऊन राजकीय कार्यक्रमांसाठी त्याचा वापर केला जात असल्याचा आरोपही त्यांनी केला. (Navnath Ban)



‘राहुल गांधींनी आधी आश्रमशाळांची स्थिती तपासावी’ :


आदिवासी विद्यार्थ्यांच्या प्रश्नावर काँग्रेसने सरकारला लक्ष्य करण्यापूर्वी काँग्रेसशी संबंधित संस्थांच्या आश्रमशाळांमध्ये नेमकं काय सुरू आहे, याचा आढावा घ्यावा, असा टोला नवनाथ बन यांनी लगावला. त्यांनी संजय राऊतांना आव्हान देताना, “तुमच्याकडे पुरावे असतील तर द्या,” असं म्हटलं. तसेच कोविड काळातील मुंबईतील कथित कंत्राटांवरूनही त्यांनी विरोधकांवर पलटवार केला. (Navnath Ban)



ग्रामीण भागातील शाळांमध्ये सुविधा वाढल्याचा दावा :


शाळांची स्थिती सुधारण्याच्या मुद्द्यावर सर्वांचं एकमत असल्याचं सांगत नवनाथ बन यांनी मुख्यमंत्री देवेंद्र फडणवीस यांच्या नेतृत्वाखालील सरकारकडून ग्रामीण भागातील शाळांमध्ये पायाभूत सुविधा उपलब्ध करून दिल्या जात असल्याचा दावा केला. पक्क्या इमारती, रस्ते, वीज आणि संगणक यांसारख्या सुविधा उपलब्ध करून देण्याचं काम सरकारकडून सुरू असल्याचं त्यांनी सांगितलं. काही ठिकाणी अडचणी असल्या तरी त्या सोडवण्यासाठी सरकार कटिबद्ध असल्याचंही त्यांनी स्पष्ट केलं. (Navnath Ban)



कुंभमेळ्याच्या मुद्द्यावरूनही राऊतांवर टीका : 


दरम्यान, नवनाथ बन यांनी कुंभमेळ्याच्या आयोजनावरूनही संजय राऊत आणि विरोधकांवर टीका केली. हिंदूंच्या श्रद्धेचा महत्त्वाचा सोहळा असलेल्या कुंभमेळ्यात देशभरातून लाखो भाविक सहभागी होणार असल्याचं सांगत भाविकांना सुविधा देणं ही सरकारची जबाबदारी असल्याचं त्यांनी म्हटलं. “मतांसाठी तुम्ही कितीही लांगूलचालन केलं तरी त्याचा काहीही फरक पडणार नाही. बारा वर्षांनंतर हिंदू कुंभमेळ्यात एकत्र येत आहेत आणि या कुंभमेळ्याचं स्वागत आम्ही मोठ्या उत्साहात करू,” असं बन यांनी सांगितलं. (Navnath Ban)


दरम्यान, आश्रमशाळा, आदिवासी विद्यार्थ्यांचे प्रश्न आणि कुंभमेळ्याच्या आयोजनावरून सत्ताधारी आणि विरोधकांमध्ये आरोप-प्रत्यारोप सुरू असून, नवनाथ बन यांच्या वक्तव्यावर विरोधकांकडून काय प्रतिक्रिया येते, याकडे आता लक्ष लागलं आहे. (Navnath Ban)

Comments
Add Comment

Admiral Krishna Swaminathan statement : "युद्धजन्य सागरी क्षेत्रातून भारतीय जहाजांना सुरक्षित बाहेर काढण्यासाठी आम्ही खंबीर!"- नौदल प्रमुख ॲडमिरल कृष्णा स्वामीनाथन

नवी दिल्ली : जगभरात सागरी तणाव वाढत असताना, होर्मुझ सामुद्रधुनीजवळ (Strait of Hormuz) भारतीय नौदलाने आपल्या युद्धनौका का

Bharat Scouts and Guides: देवेंद्र फडणवीस यांची 13 व्या राष्ट्रीय अध्यक्षपदी बिनविरोध निवड

महाराष्ट्राचे मुख्यमंत्री देवेंद्र फडणवीस यांची 'भारत स्काउट्स अँड गाईड्स'च्या १३ व्या राष्ट्रीय अध्यक्षपदी

PM Modi Barong Tagalog : पंतप्रधान मोदींचा फिलिपिन्सच्या 'बॅरोंग टॅगालॉग' पोशाखात रॉयल लूक; 'गाला डिनर'मध्ये वेधले जागतिक नेत्यांचे लक्ष!

अनिवासी भारतीयांना आपुलकीची विचारपूस! मनिला : पंतप्रधान नरेंद्र मोदी (PM Narendra Modi) सध्या तीन दिवसांच्या फिलिपिन्स

Tiger Shroff comeback : गोळीबाराच्या धक्क्यातून सावरत टायगर श्रॉफचे सोशल मीडियावर दणक्यात पुनरागमन; चाहत्यांना दिले जबरदस्त सरप्राईज!

गेल्या महिनाभरापासून बॉलिवूड अभिनेता टायगर श्रॉफ (Tiger Shroff) हा त्याच्यावर झालेल्या गोळीबाराच्या दुर्दैवी घटनेमुळे

न्यूझीलंडमध्ये रोहित शर्माचा फ्लॉप शो; यशस्वी जयस्वालला संधी मिळणार का? इरफान पठाणने दिलं असं उत्तर

भारताने न्यूझीलंडला टी20 मालिकेनंतर वनडेतही मात दिली. भारताने न्यूझीलंडला वनडे मालिकेत 3-1 ने पराभवाची धूळ चारली.

Ajit Pawar Tribute: अजितदादांचे विकासाचे स्वप्न पूर्ण करणे हीच खरी श्रद्धांजली! एकनाथ शिंदे भावूक

पुणे:  पुणे येथे केंद्रीय गृह व सहकार मंत्री अमित शहा यांच्या हस्ते स्वर्गीय अजित पवार यांच्या अर्धाकृती