Ajit Pawar Tribute: अजितदादांचे विकासाचे स्वप्न पूर्ण करणे हीच खरी श्रद्धांजली! एकनाथ शिंदे भावूक

पुणे येथे केंद्रीय गृह व सहकार मंत्री अमित शहा यांच्या हस्ते स्वर्गीय अजित पवार यांच्या अर्धाकृती पुतळ्याचे अनावरण आणि प्रवेशद्वाराचे नामकरण आज करण्यात आले. यावेळी उपमुख्यमंत्री एकनाथ शिंदे दिवंगत माजी उपमुख्यमंत्री अजित पवार यांचे कार्य एका पुतळ्याच्या चौकटीत मावणारे नाही, असे  सांगितले.

पुणे:  पुणे येथे केंद्रीय गृह व सहकार मंत्री अमित शहा यांच्या हस्ते स्वर्गीय अजित पवार यांच्या अर्धाकृती पुतळ्याचे अनावरण आणि प्रवेशद्वाराचे नामकरण आज करण्यात आले. यावेळी उपमुख्यमंत्री एकनाथ शिंदे दिवंगत माजी उपमुख्यमंत्री अजित पवार यांचे कार्य एका पुतळ्याच्या चौकटीत मावणारे नाही, असे  सांगितले. पुणे आणि बारामतीच्या विकासासाठी त्यांनी घेतलेले कष्ट, दूरदृष्टी, प्रशासनावरील विलक्षण पकड आणि सर्वसामान्यांप्रती त्यांची असलेली आत्मीयता हे महाराष्ट्र कधीही विसरणार नाही. त्यांनी पाहिलेली विकासाची स्वप्ने आणि हाती घेतलेले प्रकल्प पूर्ण करणे हीच खरी त्यांना श्रद्धांजली ठरेल, असे भावपूर्ण प्रतिपादन उपमुख्यमंत्री त्यांनी केले. पुणे जिल्हा परिषदेच्या आवारात हा कार्यक्रम आयोजित करण्यात आला होता.



उपमुख्यमंत्री एकनाथ शिंदे काय म्हणाले?


अजितदादांच्या पुतळ्याचे अनावरण करण्याची वेळ आपल्यावर येईल, यावर आजही विश्वास बसत नाही. 28 जानेवारी हा महाराष्ट्रासाठी काळा दिवस ठरला. माझ्यापेक्षा वयाने आणि अनुभवाने मोठा असलेला भाऊ गमावल्याचे दुःख मनात कायम आहे. त्यांच्या जाण्याने महाराष्ट्राचे मोठे नुकसान झाले आहे, असे एकनाथ शिंदे म्हणाले.


पुढे बोलताना, विकासकामांची पाहणी करताना एखाद्या वास्तूतील वायर बाहेर आली आहे का, रंगकाम अपूर्ण आहे का, याकडेही अजितदादा बारकाईने लक्ष द्यायचे. प्रकल्पांचा लाभ शेवटच्या घटकापर्यंत पोहोचला पाहिजे, हा त्यांचा आग्रह नेहमी असायचा. प्रशासनावरील त्यांची पकड आणि क्षेत्रातील अभ्यास इतका विलक्षण होता की, वरिष्ठ सनदी अधिकारीही त्यांच्या प्रश्नांसमोर निरुत्तर होत असत. कठोर निर्णय घेणे आणि त्यांची प्रभावी अंमलबजावणी करणे ही त्यांची खासियत होती. विरोधी पक्षनेते असतानाही त्यांनी केवळ विरोधासाठी विरोध न करता विधायक सूचना केल्या. अधिवेशनात शेवटपर्यंत बसून काम करण्याची त्यांची वृत्ती अनुकरणीय होती, असेही एकनाथ शिंदे यांनी सांगितले.






तसेच योजनेच्या लाभार्थ्यांची कौटुंबिक परिस्थिती जाणून घेणारे, त्यांच्या अडचणी समजून घेणारे दादा हे संवेदनशील नेतृत्व होते. स्पष्टवक्तेपणा आणि परखडपणासोबतच त्यांच्यात विलक्षण प्रेमळपणाही होता. त्यामुळेच लोक त्यांना गर्दीतून 'दादा' म्हणून हाक मारायचे. मेट्रो, रिंगरोडसारख्या प्रकल्पांद्वारे पुण्याच्या वाहतूक कोंडीवर उपाय आणि बारामतीचा नियोजनबद्ध विकास करण्याचे त्यांचे व्हिजन होते. अर्थमंत्री म्हणून आर्थिक शिस्त पाळताना 'आपले पांघरूण पाहून हातपाय पसरावेत' हा त्यांचा स्पष्ट संदेश असायचा. ऊस उत्पादक, कांदा उत्पादक आणि सहकार क्षेत्रातील अडचणी सोडवण्यासाठी त्यांनी नेहमीच पुढाकार घेतला. प्राप्तिकराच्या प्रश्नातून साखर कारखान्यांना दिलासा मिळवून देण्यासाठीही त्यांनी प्रयत्न केले.


याशिवाय, मुख्यमंत्री देवेंद्र फडणवीस आणि मी उपमुख्यमंत्री म्हणून त्यांच्यासोबत टीम म्हणून काम केले. राजकारणापलीकडची नाती जपणारे अजितदादा आम्हाला मार्गदर्शन करायचे. पंतप्रधान नरेंद्र मोदी आणि अमित शहा यांच्यासोबतही त्यांचे जिव्हाळ्याचे संबंध होते. सुनेत्रावहिनी पवार यांनी कठीण परिस्थितीत जबाबदारी स्वीकारली असून, संपूर्ण महायुती त्यांच्या आणि पवार कुटुंबीयांच्या पाठीशी खंबीरपणे उभी आहे. अजितदादांचे विकासाचे स्वप्न पूर्ण करणे हीच त्यांना खरी आदरांजली ठरेल, असे शिंदे यांनी सांगितले.

Comments
Add Comment

Chipi Airport: चिपी-नवी मुंबई विमानसेवेला 16.74 कोटींचे ‘व्हीजीएफ’ अनुदान

मुंबई(सुहास शेलार): सिंधुदुर्गातील चिपी विमानतळावरून नवी मुंबईसाठी विमानसेवा चालविणाऱ्या ‘जस्ट उडो एव्हिएशन

मंत्री नितेश राणे यांच्याकडून मुख्यमंत्री मत्स्यसंपदा योजनेचा आढावा; 22 योजनांच्या अंमलबजावणीवर भर

मुख्यमंत्री मत्स्य संपदा योजनेची शंभर टक्के अंमलबजावणी करून तिचा लाभ अधिकाधिक मच्छीमारांपर्यंत

Zilla Parishad: जिल्हा परिषद, पंचायत समित्यांमधील आरक्षणाच्या 'रोटेशन'चा मार्ग मोकळा; सर्वोच्च न्यायालयाचा सरकारला दिलासा

मुंबई(सुहास शेलार): जिल्हा परिषद आणि पंचायत समित्यांच्या निवडणुकांमधील अनुसूचित जाती आणि अनुसूचित जमातींच्या

मतदारसंघ आरक्षणावर सर्वोच्च न्यायालयाचा मोठा निर्णय! राखीव जागांच्या फेरबदलाचा अधिकार राज्य सरकारकडे

एखादा विशिष्ट मतदारसंघ अनुसूचित जाती किंवा अनुसूचित जमातीसाठी राखीव असावा, असा हक्क कोणत्याही मतदाराला किंवा

ST Bus : रात्रीच्या अंधारात दोन अल्पवयीन मुलींना बसमधून उतरवले; चालक आणि वाहक निलंबित

Maharashtra News: एसटी बसमधून प्रवास करणाऱ्या दोन अल्पवयीन मुलींना रात्रीच्या वेळी अंधारात रस्त्यावर उतरवल्याच्या

Raigad Fire : उरणमध्ये तेल निर्मिती प्रकल्पाला भीषण आग; आकाशात धुराचे लोट, सिडको अग्निशमन दलाचे शर्थीचे प्रयत्न सुरू

Uran : महाराष्ट्रातील रायगड जिल्ह्यातील उरणजवळील वेश्वी गावात सोमवारी एका औद्योगिक गोदामाला भीषण आग लागल्याची