न्यूझीलंडमध्ये रोहित शर्माचा फ्लॉप शो; यशस्वी जयस्वालला संधी मिळणार का? इरफान पठाणने दिलं असं उत्तर

न्यूझीलंडविरुद्धची वनडे मालिका भारताने 3-1 ने जिंकली. भारताने ही मालिका जिंकली असली तरी काही प्रश्न उपस्थित होत आहे. या मालिकेत रोहित शर्मा फेल गेला. त्यामुळे त्याच्या भवितव्याचा प्रश्न उपस्थित होत आहे. असं असताना इरफान पठाणने मोठं वक्तव्य केलं आहे.

भारताने न्यूझीलंडला टी20 मालिकेनंतर वनडेतही मात दिली. भारताने न्यूझीलंडला वनडे मालिकेत 3-1 ने पराभवाची धूळ चारली. पण या वनडे मालिकेत रोहित शर्मा फक्त 30 धावा करून शकला. वेगवान चेंडू आणि स्विंगपुढे रोहित शर्मा हतबल दिसला. दोन सामन्यात तर त्याला खातंही खोलता आलं नाही. एका सामन्यात 23 आणि दुसऱ्या सामन्यात 7 धावा करून तंबूत परतला. त्यामुळे रोहित शर्माला वनडे संघात ठेवायचं की नाही असा प्रश्न उपस्थित होत आहे. असं असताना माजी क्रिकेटपटू इरफान पठाण मोठं वक्तव्य केलं आहे. वनडे वर्ल्डकप 2027 स्पर्धेपूर्वी यशस्वी जयस्वालला संधी दिली पाहीजे, असं मत इरफान पठाणने व्यक्त केलं आहे. इरफान पठाणने आपलं म्हणणं मांडताना सांगितलं की, वरिष्ठ खेळाडूंना बसवा असं माझं म्हणणं नाही. पण त्यांना आराम देऊन यशस्वी जयस्वालला संधी दिली पाहीजे. जेणेकरून वर्ल्डकप स्पर्धेपूर्वी काही वनडे सामने खेळेल.

इरफान पठाण काय म्हणाला?


इरफान पठाणने स्टार स्पोर्ट्समधील एका कार्यक्रमात बोलताना सांगितलं की, 'मी असं सांगत नाही की वरिष्ठ खेळाडूंना काढा. पण तुमच्याकडे एखाद्या खेळाडूला आराम देण्याची वेळ आली, म्हणजे वरिष्ठ खेळाडूंच्या बाबतीत हा प्रश्न आहे. तेव्हा यशस्वी जयस्वालला संधी दिली पाहीजे. हे यशस्वी जयस्वाल आणि टीम इंडियासाठी चांगलं असेल. वर्ल्डकपमध्ये त्याला राखीव सलामीवीर म्हणून पुरेशा संधी मिळाल्या आहेत की नाही हे पाहू नये. त्याला तिसरा सलामीवीर म्हणून संधी दिली पाहीजे. संधी मिळाल्यास यशस्वी तयार होईल.' यशस्वी जयस्वालने आतापर्यंत भारतासाठी सहा वनडे सामने खेळले आहेत. यात त्याने दोन शतकांसह 285 धावा केल्या आहेत. त्याच्या धावांची सरासरी 71.25 इतकी असून स्ट्राईक रेटही जबरदस्त आहे.





इशान किशनला वर खेळण्याची संधी द्या!


इरफान पठाणने यशस्वी जयस्वालच नाही तर इशान किशनला फलंदाजीत बढती देण्याचा सल्ला दिला आहे. इरफान पठाण म्हणाला की, 'इशान किशनने खालच्या फळीत चांगली फलंदाजी केली आहे. पण इशान किशन डावखुरा फलंदाज आहे. त्याचा फायदा घेणं गरजेचं आहे. डावखुऱ्या-उजव्या फलंदाजांच्या संयोजनात त्याचा वापर करता येईल. खासकरून फिरकीला मदत करणाऱ्या खेळपट्ट्यांवर त्याला फलंदाजीला वरच्या क्रमांकावर पाठवायला हवं. संघ व्यवस्थापन काय करण्याचा प्रयत्न करत आहे हे मला पूर्णपण माहिती आहे. त्यांना मधल्या फळीत एक पर्यायी खेळाडू हवा आहे.' आता इरफान पठाणचा सल्ला संघ व्यवस्थापन विचारात घेणार का? हे पाहणं औत्सुक्याचं ठरणार आहे.

 
Comments
Add Comment

तो सचिन तेंडुलकर बनेल की विनोद कांबळी? 15 वर्षांच्या वैभव सूर्यवंशीबद्दल कपिल देव यांचा मोठा इशारा!

मुंबई : भारतीय क्रिकेटमधील उगवता तारा आणि अवघ्या 15 वर्षांचा आक्रमक फलंदाज वैभव सूर्यवंशी सध्या त्याच्या स्फोटक

जय शाह यांची आयसीसीच्या अध्यक्षपदी दुसऱ्यांदा बिनविरोध निवड; जागतिक क्रिकेटच्या विस्ताराला मिळणार नवी गती

दुबई : आंतरराष्ट्रीय क्रिकेट परिषदेच्या (ICC) बोर्डाने जय शाह यांची अध्यक्षपदी दुसऱ्या कार्यकाळासाठी बिनविरोध

"गौतम गंभीरने अगदी बरोबर बोलले!" मालिका जिंकूनही रवी शास्त्रींचा टीम इंडियाला मोठा इशारा; 2027 वर्ल्ड कपसाठी धोक्याची घंटा?

न्यूझीलंड दौऱ्यावरील चौथ्या वनडे सामन्यात अत्यंत लाजिरवाण्या पराभवाचा सामना केल्यानंतर भारतीय क्रिकेट

ENG vs AUS ODI : इंग्लंडचा ऑस्ट्रेलियावर 135 धावांनी दणदणीत विजय; दुसऱ्या वनडेत मालिकेत 1-1 अशी बरोबरी

ॲडलेड : टॉम बँटनचे शानदार शतक आणि गस ॲटकिन्सनच्या भेदक गोलंदाजीच्या जोरावर इंग्लंडने दुसऱ्या एकदिवसीय सामन्यात

U19 Asia Cup 2026 : शेवटच्या चेंडूवर पाकिस्तान OUT; गौतम गंभीरची पोस्ट चर्चेत

Gautam Gambhir Viral Post : भारत आणि पाकिस्तान यांच्यात खेळल्या गेलेल्या अंडर-19 आशिया कप 2026 च्या (U19 Asia Cup 2026) अत्यंत रोमांचक आणि

वर्ल्ड कपआधी टीम इंडियाची डोकेदुखी वाढली, न्युझीलंड विरुद्धची मालिका जिंकूनही 'या' चुकांवर दुर्लक्ष केलं तर...

मुंबई: न्युझीलंडमधील बे ओव्हल या होम ग्राऊंडमध्ये आज, न्युझीलंड विरुद्ध भारत हा सामना रंगला. ह्या शेवटच्या