मुंबई : अभिनेत्री कृती सेनॉनच्या राखीच्या जाहिरातीवरून सुरू असलेल्या वादात आता गायक सोनू निगमने (Sonu Nigam) भूमिका मांडली आहे. सोनू निगमने ट्विटर (X) पोस्टद्वारे या जाहिरातीवर टीका करत म्हटलं, "हा मुद्दा महिलांनी काय परिधान करावे याचा नसून, दुहेरी निकष आणि हिंदू सणांच्या परंपरांशी संबंधित संवेदनशीलतेचा असल्याचे आहे". (Sonu Nigam)
सोनू निगमने आपल्या पोस्टमध्ये स्पष्ट केले की, “महिलांनी काय घालावे, हा वादाचा मुद्दा नाही. दिक्कत दुहेरीपणाशी आहे,” असे म्हणत सोनू निगमने हिंदू सणांच्या जाहिरातींमध्ये धार्मिक आणि सांस्कृतिक परंपरांचा विचार करण्याची गरज व्यक्त केली.
यासाठी त्यांनी गुरुद्वारात डोके झाकण्याची परंपरा तसेच काही मंदिरांमध्ये विशिष्ट पोशाखाबाबत असलेल्या नियमांचा दाखला दिला. “कधी काय घालावे, याचेही एक शिष्टाचार असतात,” अशी भूमिका त्याने या पोस्टद्वारे मांडली.
हिंदू समाजाच्या धार्मिक भावनांचा वारंवार विचार न करता केवळ ‘महिलांच्या स्वातंत्र्या’चा मुद्दा पुढे करणे योग्य नसल्याचेही सोनू निगमने म्हटले. “विक्टिम कार्ड खेलने की जगह लोकतांत्रिक देश में हिंदुओं की आस्था पर कुठाराघात करना बंद करें,” असे म्हणत सोनू निगमने हिंदू समाजाच्या धार्मिक भावनांचा आदर करणे महत्वाचे असल्याचे सांगितले. “हिंदू सहनशील आहे, याचा अर्थ त्याच्या संयमाची वारंवार परीक्षा घ्यावी असा नाही,” असेही त्याने नमूद केले.
विवाद ये कतई नहीं है कि महिला क्या पहनें... दिक्कत दोगलेपन से है और हिंदू त्योहारों पर लोगों को उनकी परंपराओं से प्रभावित करने वाले हथकंडों से है।
क्योंकि ऐसा नहीं है कि कृति सेनन ने कोई पहली बार कुछ ऐसा पहना है और विवाद हो गया।
कब क्या पहनना चाहिए इसका एक सलीका होता है। उदाहरण… pic.twitter.com/7KwZprdL6w
— Sonu Nigam (@SonuNigamSingh) August 26, 2026
दरम्यान, सोनू निगमने आपल्या पोस्टच्या शेवटी, जाहिरात हटवल्याबद्दल GIVAचे आभारही व्यक्त केले आहेत.
कृती सेनॉनच्या राखीच्या जाहिरातीवरून यापूर्वी सोशल मीडियावर अनेक संमिश्र प्रतिक्रिया उमटल्या होत्या. काहींनी जाहिरातीतील पोशाख आणि मांडणीवर आक्षेप घेतला, तर काहींनी महिलांच्या स्वातंत्र्याचा मुद्दा मध्ये आणत कपड्यांवरून होणाऱ्या टीकेला विरोध केला. एकंदरच या प्रकरणाने असंख्य दृष्टिकोन समोर आणत महिला स्वातंत्र्य, धार्मिक परंपरा आणि जाहिरातींमधील सांस्कृतिक संवेदनशीलता यांसारखे प्रश्न चर्चेत आणले आहेत.