Gold Silver Rate Today : शुक्रवारी रक्षाबंधनाच्या दिवशी सोने आणि चांदीच्या दरात वाढ नोंदवली गेल्याने ग्राहकांना मोठा धक्का बसला. रक्षाबंधनाच्या दिवशी अनेकांना सोन्याची भेटवस्तू किंवा दागिने घेण्याची इच्छा असलेल्या ग्राहकांना यामुळे चांगलाच धक्का बसला. मात्र, दुसऱ्याच दिवशी शनिवारी सकाळी बाजारपेठ उघडल्यावर दोन्ही धातूंचे दर पुन्हा मोठ्या प्रमाणात घसरल्याने ग्राहकांना काहीसा दिलासा मिळाला आहे.
सोन्याचे आजचे दर किती ?
जळगाव शहरातील सुवर्ण बाजारपेठेत शुक्रवारी रक्षाबंधनाच्या दिवशी ८२४ रुपयांची वाढ झाली होती. २४ कॅरेट सोन्याचे दर तीन टक्के जीएसटीसह प्रति १० ग्रॅम १,६४,२८५ रुपयांपर्यंत पोहचले होते. त्यामुळे सोने खरेदी करू इच्छिणाऱ्या ग्राहकांना मोठा धक्का बसला होता. मात्र, दुसऱ्या दिवशी शनिवारी सकाळी बाजारपेठ उघडल्यावर २८८४ रुपयांची घट झाल्याने सोने तीन टक्के जीएसटीसह प्रति १० ग्रॅम १,६१,४०१ रुपयांपर्यंत घसरले. त्यामुळे ग्राहकांना काहीसा दिलासा मिळाला आहे.
चांदीचे आजचे दर किती ?
जळगाव शहरातील सुवर्ण बाजारपेठेत शुक्रवारी चांदीचे देखील भाव वाढले होते. चांदीच्या दरात ५१५० रुपयांची वाढ झाल्याने चांदीचे दर तीन टक्के जीएसटीसह प्रति किलो २,५४,४१० रुपयांपर्यंत पोहचले होते. मात्र, दुसऱ्या दिवशी शनिवारी सकाळी बाजारपेठ उघडल्यावर तब्बल ७२१० रुपयांची घसरण झाल्याने चांदी तीन टक्के जीएसटीसह प्रति किलो २,४७,२०० रुपयांपर्यंत खाली आली.