PM Narendra Modi Uzbekistan Visit : पंतप्रधान मोदींना उझबेकिस्तानकडून सर्वोच्च सन्मान ‘ओली दराजाली दोस्तलिक’ प्रदान

ताश्कंद : पंतप्रधान नरेंद्र मोदी यांना उझबेकिस्तानचा सर्वोच्च राजकीय सन्मान ‘ओली दराजाली दोस्तलिक’ देऊन गौरवण्यात आले. उझबेकिस्तानचे राष्ट्राध्यक्ष शौकत मिर्झियोयेव यांनी रविवारी पंतप्रधान मोदी यांना या सन्मानाने गौरवले. (PM Narendra Modi Uzbekistan Visit)

जुलै २०२६ मध्ये इंडोनेशियाचा सर्वोच्च नागरी सन्मान ‘बिंतांग आदिपूर्णा ऑफ द रिपब्लिक ऑफ इंडोनेशिया’ मिळाल्यानंतर पंतप्रधान नरेंद्र मोदी यांना परदेशी देशांकडून मिळालेल्या आंतरराष्ट्रीय सन्मानांची संख्या आता ३६ झाली आहे.

भारत आणि उझबेकिस्तानने रविवारी व्यापार आणि गुंतवणूक, डिजिटल संपर्क, संरक्षण तसेच ऊर्जा क्षेत्रातील सहकार्य वाढवण्यावर सहमती दर्शवली. पंतप्रधान नरेंद्र मोदी यांनी ताश्कंद येथे उझबेकिस्तानचे राष्ट्राध्यक्ष शौकत मिर्झियोयेव यांच्यासोबत शिष्टमंडळ स्तरावरील चर्चा केली. दोन्ही देशांनी धोरणात्मक भागीदारी अधिक मजबूत करण्यासोबतच सामायिक विकासाची उद्दिष्टे साध्य करण्यासाठी एकत्रितपणे काम करण्यावर भर दिला. (PM Narendra Modi Uzbekistan Visit)

पंतप्रधान मोदी उझबेकिस्तानच्या दोन दिवसीय राजकीय दौऱ्यावर आहेत. राष्ट्राध्यक्ष मिर्झियोयेव यांच्या निमंत्रणावरून हा दौरा होत आहे. ताश्कंद येथे पोहोचल्यानंतर पंतप्रधान मोदी यांचे औपचारिक स्वागत करण्यात आले. त्यानंतर दोन्ही नेत्यांनी द्विपक्षीय संबंध अधिक दृढ करण्याच्या उपाययोजनांवर चर्चा केली. (PM Narendra Modi Uzbekistan Visit)