Nashik : केंद्र सरकारच्या महत्त्वाकांक्षी प्रधानमंत्री सूर्यघर मोफत वीज योजनेला (Pradhan Mantri Surya Ghar Free Electricity Scheme) महावितरणच्या नाशिक परिमंडळात ग्राहकांचा उत्तम प्रतिसाद मिळत आहे. आतापर्यंत परिमंडळातील ७४ हजार ५५७ ग्राहकांनी छतावर सौर यंत्रणा बसवून पारंपरिक विजेवरील अवलंबित्व कमी केले असून, ते स्वतःच वीज निर्माते बनले आहेत. या सौर यंत्रणांची एकूण क्षमता २६० मेगावॅट आहे. योजनेचा अधिकाधिक ग्राहकांनी लाभ घ्यावा, असे आवाहन महावितरण नाशिक परिमंडळाचे मुख्य अभियंता सुंदर लटपटे यांनी केले आहे.
Nashik : नाशिक जिल्ह्यातील पेठ तालुक्यात एक धक्कादायक घटना समोर आली आहे. भक्ष्याच्या शोधात आलेल्या एका बिबट्याने चक्क तालुक्यातील (Peth Taluka) हरणगाव शिवारातील ...
प्रधानमंत्री सूर्यघर मोफत वीज योजनेला उत्स्फूर्त प्रतिसाद
महिन्याला ३०० युनिटपर्यंत वीज वापरणाऱ्या ग्राहकांना मोफत वीज मिळावी आणि अतिरिक्त वीज विकून उत्पन्न मिळावे, या उद्देशाने केंद्र सरकारने ही योजना सुरू केली आहे. महावितरणच्या अहिल्यानगर मंडळात ३० हजार ४७५ ग्राहकांनी (१०२.७७ मेगावॅट), मालेगाव मंडळात ६ हजार ३५२ ग्राहकांनी (२१.७४ मेगावॅट), तर नाशिक मंडळात ३७ हजार ७३० ग्राहकांनी (१३५.९६ मेगावॅट) सौर यंत्रणा बसविली आहे. या योजनेअंतर्गत एक किलोवॅट क्षमतेच्या प्रकल्पासाठी ३० हजार रुपये, दोन किलोवॅटसाठी ६० हजार रुपये, तर तीन किलोवॅट किंवा त्यापेक्षा अधिक क्षमतेच्या प्रकल्पासाठी ७८ हजार रुपये अनुदान मिळते. हाउसिंग सोसायट्यांनाही ५०० किलोवॅटपर्यंत प्रतिकिलोवॅट १८ हजार रुपये अनुदान मिळते. एक किलोवॅट क्षमतेच्या सौर प्रकल्पातून सूर्यप्रकाशाच्या उपलब्धतेनुसार महिन्याला अंदाजे १२० युनिट वीज निर्मिती होते.
Jalgaon : जळगाव जिल्ह्यातील पाचोरा येथे अत्यंत धक्कादायक अन् हृदयद्रावक घटना समोर आली आहे. पहिल्या वाढदिवस , शुभेच्छांचा वर्षाव, नातेवाईकांची लगबग सर्व ...
बँकांकडून सवलतीच्या दरात कर्जही उपलब्ध
निर्माण झालेली वीज घरगुती वापरासाठी उपयोगी पडते. गरजेपेक्षा अधिक वीज निर्माण झाल्यास वीजबिल शून्य होण्यास मदत होते. यामुळे ग्राहकांचा आर्थिक फायदा होण्याबरोबरच पर्यावरणाचेही संरक्षण होते. रूफटॉप सोलर प्रकल्प उभारणाऱ्या ग्राहकांना आवश्यक नेट मीटर मोफत बसविण्यात येत असून, १० किलोवॅटपर्यंतच्या क्षमतेसाठी त्वरित स्वयंचलित मंजुरी दिली जात आहे. तसेच या योजनेसाठी बँकांकडून सवलतीच्या दरात कर्जाची सुविधाही उपलब्ध आहे. योजनेची माहिती व नोंदणीसाठी https://www. pmsuryaghar.gov.in/ या संकेतस्थळावर सुविधा उपलब्ध आहे. तसेच 'पीएम सूर्यघर' ('PM Suryaghar') हे मोबाईल अॅपही उपलब्ध असून, नोंदणीनंतर ग्राहकांना आपल्या पसंतीचा विक्रेता निवडता येतो. सौर प्रकल्प बसविल्यानंतर अनुदानाची रक्कम ग्राहकांच्या खात्यात जमा केली जाते.