नवी दिल्ली : भारतीय वायुदलाच्या इतिहासात महिला अधिकाऱ्यांसाठी नवा अध्याय सुरू झाला आहे. एअर व्हाइस मार्शल शक्ती शर्मा यांनी ऐतिहासिक कामगिरी करत भारतीय वायुदलाच्या नॉन-मेडिकल शाखेतून एअर व्हाइस मार्शल पदावर पोहोचणाऱ्या पहिल्या महिला अधिकारी होण्याचा मान मिळवला आहे. (Air Vice Marshal Shakti Sharma)
संरक्षण मंत्रालयाने दिलेल्या माहितीनुसार, शक्ती शर्मा यांना प्रशिक्षण संस्था, फिल्ड स्टेशन, कमांड मुख्यालय आणि एअर हेडक्वार्टर्समध्ये काम करण्याचा तीन दशकांहून अधिक काळाचा अनुभव आहे. त्यांच्या प्रदीर्घ सेवाकाळातील अनुभवाचा फायदा नव्या जबाबदारीत होणार आहे. (Air Vice Marshal Shakti Sharma)
एअर इंडिया एक्सप्रेसने (Air India Express) आपल्या केबिन क्रू आणि विमानतळावरील फ्रंटलाईन कर्मचाऱ्यांसाठी एक नवा आणि अत्यंत आकर्षक गणवेश लागू केला आहे. १ ...
१९९४ मध्ये IAF मध्ये दाखल :
शक्ती शर्मा यांनी १९९४ मध्ये भारतीय वायुदलाच्या एज्युकेशन ब्रँचमध्ये कमिशन मिळवत आपल्या कारकिर्दीची सुरुवात केली. त्यानंतर त्यांनी विविध महत्त्वाच्या पदांवर काम करत अनेक जबाबदाऱ्या सांभाळल्या. विशेष म्हणजे, मेडिकल ब्रँचच्या बाहेर IAF मध्ये ग्रुप कॅप्टन पदावर पोहोचणाऱ्या त्या पहिल्या महिला अधिकारी ठरल्या होत्या. आता एअर व्हाइस मार्शल पदावर बढती मिळवत त्यांनी आणखी एक ऐतिहासिक टप्पा गाठला आहे. (Air Vice Marshal Shakti Sharma)
IIT आणि विद्यापीठांसोबतही महत्त्वाचं काम :
शक्ती शर्मा यांनी भारतीय वायुदल आणि शैक्षणिक संस्थांमधील सहकार्य मजबूत करण्यासाठीही महत्त्वपूर्ण भूमिका बजावली आहे. IIT कानपूर आणि पुणे विद्यापीठात IAF Chairs of Excellence स्थापन करण्याच्या प्रक्रियेत त्यांचा महत्त्वाचा सहभाग होता. यामुळे संरक्षण क्षेत्रातील शैक्षणिक आणि संस्थात्मक सहकार्याला चालना मिळण्यास मदत झाली. (Air Vice Marshal Shakti Sharma)
सैनिक स्कूलचे नेतृत्व करणाऱ्या पहिल्या महिला :
एअर व्हाइस मार्शल होण्यापूर्वीही शक्ती शर्मा यांनी अनेक विक्रम आपल्या नावावर केले आहेत. त्रि-सेवा दलातून सैनिक स्कूलचे नेतृत्व करणाऱ्या त्या पहिल्या महिला अधिकारी ठरल्या होत्या. त्यांनी सैनिक स्कूल, कपूरथला येथे प्राचार्य म्हणून जबाबदारी सांभाळली. त्यांच्या नेतृत्वाखाली शैक्षणिक आणि संस्थात्मक पातळीवर विविध उपक्रम राबवण्यात आले. (Air Vice Marshal Shakti Sharma)
नेपाळमध्ये आलेल्या भीषण (Nepal Flood) पुरामुळे मोठं नुकसान झालं आहे. अनेक लोकांनी आपले आप्तस्वकीय गमावले आहेत, तर अनेक जण अजूनही बेपत्ता आहेत. अशा कठीण काळात ...
संरक्षण मंत्रालयाकडून कौतुक :
शक्ती शर्मा यांच्या ऐतिहासिक पदोन्नतीचे संरक्षण मंत्रालयाने स्वागत केले आहे. मंत्रालयाच्या म्हणण्यानुसार, त्यांची ही कामगिरी भारतीय संरक्षण दलांमधील महिला अधिकाऱ्यांच्या प्रवासातील नवा महत्त्वाचा अध्याय आहे. तीन दशकांहून अधिक काळाच्या उल्लेखनीय सेवेनंतर शक्ती शर्मा आजच्या पिढीसह भविष्यातील महिला अधिकाऱ्यांसाठी प्रेरणादायी उदाहरण ठरल्या आहेत. भारतीय वायुदलातील वरिष्ठ नेतृत्वाच्या भूमिकांमध्ये महिलांचा वाढता सहभाग या कामगिरीमुळे अधोरेखित झाला आहे. (Air Vice Marshal Shakti Sharma)
महिला अधिकाऱ्यांसाठी प्रेरणादायी टप्पा :
१९९०च्या दशकात संरक्षण दलात दाखल झालेल्या महिला अधिकाऱ्यांसाठी वरिष्ठ पदांपर्यंत पोहोचण्याच्या दृष्टीने शक्ती शर्मा यांची बढती विशेष महत्त्वाची मानली जात आहे. ‘Touch the Sky with Glory’ या भारतीय वायुदलाच्या ब्रीदवाक्याला साजेशी कामगिरी करत त्यांनी महिलांसाठी वरिष्ठ नेतृत्वाची नवी वाट खुली केली आहे. (Air Vice Marshal Shakti Sharma)
