वॉशिंग्टन : अमेरिकेने देशांतर्गत उत्पादन क्षेत्राला चालना देण्यासाठी ‘फाउंड्री स्कूल’ या नव्या प्रशिक्षण कार्यक्रमाची सुरुवात केली आहे. अमेरिकेचे उपराष्ट्रपती जेडी व्हान्स आणि परराष्ट्र सचिव मार्को रुबिओ यांनी गुरुवारी या उपक्रमाची घोषणा केली. विशेष म्हणजे, या कार्यक्रमात भारतासह जपान, तैवान आणि दक्षिण कोरिया या देशांतील उद्योजक, संस्थापक आणि मुख्य कार्यकारी अधिकारी अमेरिकेतील अभियांत्रिकी व तांत्रिक क्षेत्रातील तरुणांना प्रशिक्षण आणि मार्गदर्शन देणार आहेत. अमेरिकेतील उत्पादन क्षेत्राची क्षमता पुन्हा वाढवणे आणि त्यासाठी आवश्यक कुशल मनुष्यबळ तयार करणे हा या कार्यक्रमाचा मुख्य उद्देश आहे. अर्धसंवाहक, संरक्षण, ऊर्जा आणि प्रगत उत्पादन क्षेत्रांसाठी अमेरिकेला मोठ्या संख्येने कुशल कामगारांची आवश्यकता आहे. या पार्श्वभूमीवर ‘फाउंड्री स्कूल’च्या माध्यमातून प्रत्यक्ष उद्योगातील अनुभव असलेल्या तज्ज्ञांकडून प्रशिक्षण दिले जाणार आहे.
मुंबई : वरळी येथील जांबोरी मैदानावर आयोजित ‘परिवर्तन दहीहंडी उत्सव-२०२६’ च्या पार्श्वभूमीवर मुंबई वाहतूक पोलिसांकडून ५ सप्टेंबर २०२६ रोजी वाहतूक ...
या कार्यक्रमासाठी अमेरिकेतील आठ विद्यापीठांची निवड करण्यात आली आहे. अॅरिझोना राज्य विद्यापीठ, जॉर्जिया तंत्रज्ञान संस्था, ओहायो राज्य विद्यापीठ, पेन स्टेट विद्यापीठ, कॅन्सस विद्यापीठ, व्हॅन्डरबिल्ट विद्यापीठ, सिनसिनाटी विद्यापीठ आणि स्टॅनफर्ड विद्यापीठ या संस्थांचा त्यात समावेश आहे. सप्टेंबर २०२६पासून सात विद्यापीठांमध्ये प्रशिक्षण सत्रांना सुरुवात होणार आहे. आधुनिक कारखाना रचना, कच्चा माल, पुरवठा साखळी, उत्पादन यंत्रणा, नियम व परवानग्या, मनुष्यबळ विकास आणि उत्पादन क्षेत्रातील अभियांत्रिकी यांसारख्या विषयांवर प्रशिक्षण दिले जाणार आहे.
मुंबई : गेटवे ऑफ इंडिया येथून पर्यटकांना समुद्र सफरीसाठी घेऊन गेलेली ‘अन्वरी’ नावाची फेरीबोट समुद्रात अचानक बंद पडल्याने प्रवाशांमध्ये काही काळ ...
यानंतर जानेवारी २०२७मध्ये स्टॅनफर्ड विद्यापीठात विशेष प्रशिक्षण कार्यक्रम सुरू होईल. प्रगत उत्पादन तंत्रज्ञान, अचूक उपकरणनिर्मिती, औद्योगिक स्वयंचलन, डिजिटल उत्पादन, ऊर्जा आणि संरक्षण उत्पादन यांसारख्या विषयांवर या कार्यक्रमात भर दिला जाणार आहे. हा उपक्रम ‘पॅक्स सिलिका’ या बहुराष्ट्रीय भागीदारीअंतर्गत राबवला जाणार आहे. अर्धसंवाहक, कृत्रिम बुद्धिमत्ता पायाभूत सुविधा, महत्त्वाची खनिजे आणि प्रगत उत्पादन क्षेत्रातील तंत्रज्ञान व पुरवठा साखळी अधिक सुरक्षित आणि मजबूत करणे हा या भागीदारीचा उद्देश आहे. भारत हा ‘पॅक्स सिलिका’मधील सुरुवातीच्या सहभागी देशांपैकी एक आहे. त्यामुळे अमेरिकेच्या उत्पादन क्षेत्राला प्रशिक्षित मनुष्यबळ देण्याच्या या महत्त्वाकांक्षी उपक्रमात भारतीय उद्योजक आणि तंत्रज्ञान क्षेत्रातील तज्ज्ञांची भूमिका महत्त्वाची ठरणार आहे.
