गणेशोत्सवात श्री गणेशाला दाखवला जाणारा सर्वात प्रिय नैवेद्य म्हणजे उकडीचे मोदक. बाप्पाच्या आगमनाला सुवासिक आणि मऊ उकडीचे मोदक बनवणे ही प्रत्येक घरातील खास परंपरा आहे. जर तुम्हालाही यंदा घरच्या घरी अगदी सोप्या पद्धतीने कळ्या असलेले पांढरेशुभ्र आणि चविष्ट मोदक बनवायचे असतील, तर ही सोपी रेसिपी नक्की वापरून पहा.
बाप्पाचा आवडता नैवेद्य, उकडीचे मोदक
गणेशोत्सव म्हटलं की मोदक आलेच! नारळ-गुळाच्या सारणाचे उकडीचे मोदक बाप्पाला नैवेद्य म्हणून अर्पण करण्याची महाराष्ट्रात पारंपरिक पद्धत आहे.
मोदकासाठी लागणारे साहित्य
मोदकाच्या उकडीसाठी तांदळाचे पीठ, पाणी, तूप आणि चिमूटभर मीठ घ्या. सारणासाठी ताजे खोबरे, गूळ, वेलची आणि थोडी जायफळ पूड लागेल.
आधी तयार करा गोड सारण
कढईत किसलेले ताजे खोबरे आणि गूळ घालून मंद आचेवर शिजवा. मिश्रण जास्त पातळ होऊ देऊ नका. शेवटी वेलची आणि जायफळ पूड घाला.
उकड तयार करण्याची पद्धत
एका भांड्यात पाणी, थोडे तूप आणि चिमूटभर मीठ उकळवा. त्यात तांदळाचे पीठ घालून नीट ढवळा. झाकण ठेवून थोडावेळ वाफ येऊ द्या.
उकड मऊ मळून घ्या
उकड थोडी कोमट झाल्यावर हाताला तूप लावून ती मऊसर मळून घ्या. उकड कोरडी राहणार नाही याची काळजी घ्या.
मोदकाला द्या सुंदर आकार
उकडीचा छोटा गोळा घेऊन त्याची पारी तयार करा. त्यामध्ये तयार केलेले खोबरे-गुळाचे सारण भरा आणि पारीला पाकळ्यांचा आकार देत मोदक बंद करा. तयार मोदक स्टीमरमध्ये ठेवून साधारण १० ते १५ मिनिटे वाफवून घ्या. वाफवल्यानंतर मोदक मऊ आणि सुगंधी होतात.
बाप्पाला नैवेद्य दाखवा
तयार गरमागरम उकडीचे मोदक ताटात सजवा आणि गणपती बाप्पाला नैवेद्य अर्पण करा. त्यावर थोडे तूप घातल्यास चव आणखी खुलते.