Abhinay Berde : दिवंगत ज्येष्ठ अभिनेते लक्ष्मीकांत बेर्डे (Laxmikant Berde) यांचा मुलगा आणि अभिनेता अभिनय बेर्डे सध्या एका वेगळ्याच कारणामुळे चर्चेत आला आहे. अभिनयने सोशल मीडियावर एक व्हिडीओ शेअर करत आपल्या आयुष्यातील महत्त्वाचा निर्णय चाहत्यांसोबत शेअर केला आहे. अभिनयने करिअरमधून काही काळ ब्रेक घेण्याचा निर्णय घेतला आहे. मात्र, हा ब्रेक अभिनय क्षेत्राला कायमचा रामराम करण्यासाठी नसून, स्वतःचं स्टार्टअप सुरू करण्यासाठी असल्याचं त्याने स्पष्ट केलं आहे.विशेष म्हणजे, स्टार्टअप सुरू करण्याचा निर्णय घेतला असला तरी त्याच्याकडे सध्या कोणती ठोस व्यावसायिक कल्पना आहे, हे निश्चित झालेलं नाही. त्यामुळे अभिनयने थेट आपल्या चाहत्यांकडे मदत मागितली आहे.
Old Monk : ‘ओल्ड मॉन्क’ रमच्या विक्रीवरून सुरू असलेल्या वादात मुंबई उच्च न्यायालयाने (Bombay High Court) कंपनीला मोठा धक्का दिला आहे. ‘ओल्ड मॉन्क’ची निर्मिती करणाऱ्या ...
मी करिअरमधून ब्रेक घेतोय...
'मी करिअरमधून ब्रेक घेतोय. पुढच्या प्रवासासाठी मला तुमच्या मदतीची गरज आहे. कारण जाणून घेण्यासाठी हा व्हिडीओ शेवटपर्यंत बघा आणि नक्की कमेंट करा,’ असं कॅप्शन देत त्याने हा व्हिडीओ पोस्ट केला आहे. अभिनयने त्याच्या व्हिडीओची सुरुवातच हा व्हिडीओ पोस्ट करण्यामागचं कारण वेगळं आणि महत्त्वाचं असल्याचं सांगत केली. त्याने म्हटलं की, “मी माझ्या करिअरमधून थोडा ब्रेक घ्यायचं ठरवलंय.” मात्र हा ब्रेक अभिनय क्षेत्रापासून कायमचा दूर जाण्यासाठी नसून एका नव्या प्रवासासाठी असल्याचं त्याने स्पष्ट केलं. स्वतःचं स्टार्टअप सुरू करण्यासाठी आपण करिअरमधून ब्रेक घेत असल्याचं अभिनयने सांगितलं. मनोरंजन क्षेत्रात काम करण्यासोबतच आता व्यवसायाच्या जगात काहीतरी नवीन करण्याची त्याची इच्छा असल्याचं या व्हिडीओतून दिसून येत आहे.
एआय आणि न्यूरोसायन्सच्या सहाय्याने या आजारांचे अचूक निदान आणि विश्लेषण करण्यासाठी प्रयोगिक तत्वावर राबवणार प्रकल्प मुंबई (सचिन धानजी) : मुंबई ...
क्रेझी आयडिया असतील, तर मला नक्की सांगा
अभिनय असेही म्हटले आहे की, “काही आऊट ऑफ द बॉक्स आणि क्रेझी आयडिया तुमच्याकडे असतील, तर कमेंट सेक्शनमध्ये मला नक्की सांगा,” असं आवाहन त्याने केलं आहे. इतकंच नाही, तर चाहत्यांची एखादी कल्पना आवडली तर त्यांच्यासोबत कोलॅबोरेशन करण्याची संधीही देणार असल्याचं अभिनयने सांगितलं आहे. अभिनयच्या या पोस्टवर त्याची बहीण स्वानंदी बेर्डे हिनेही मजेशीर कमेंट केली आहे. “भावा, माझ्यामध्ये गुंतवणूक कर,” अशी कमेंट स्वानंदीने केली.लक्ष्मीकांत बेर्डे यांचा अभिनयाचा वारसा पुढे नेणाऱ्या अभिनयने आता व्यवसायाच्या क्षेत्रात काहीतरी नवीन करण्याचा निर्णय घेतला आहे. त्यामुळे त्याला चाहत्यांकडून कोणत्या भन्नाट व्यावसायिक कल्पना मिळतात आणि त्यापैकी एखादी कल्पना प्रत्यक्षात स्टार्टअपचं रूप घेते का, याकडे आता सगळ्यांचं लक्ष लागलं आहे.