कल्याण: कल्याण पूर्वेतील (Kalyan News) नेतिवली परिसरामध्ये पुन्हा एकदा फ्री स्टाईल हाणामारीचा प्रकार घडलेला आहे. या घटनेचा व्हिडिओ सध्या इन्स्टाग्रामवर तुफान व्हायरल होत आहे. ही घटना ४ सप्टेंबरला (शुक्रवारी) रात्री घडली असून कोळसेवाडी पोलिस स्थानकामध्ये हा घटनेची नोंद करण्यात आलेली आहे. "दुकानासमोर शिवी का देतो ?" असा जाब विचारल्यामुळे काही तरूणांनी दुकानदार महिलेला आणि तिच्या मुलीला जबर मारहाण केली आहे. संपूर्ण मारहाणीचा प्रकार सीसीटीव्ही कॅमेऱ्यामध्ये कैद झालेला आहे. (CCTV Video)
Mumbai : मुंबईतील जोगेश्वरी परिसरात माणुसकीला काळीमा फासणारी एक अत्यंत भयानक आणि संतापजनक घटना समोर आली आहे. घरकाम करणाऱ्या एका महिलेच्या चार वर्षांच्या ...
दरम्यान, नेतिवली परिसरातील एका किराणा मालाच्या दुकानासमोर शुक्रवारी रात्री मारहाणीची घटना घडली. काही तरूणांचा जमाव किराणाच्या दुकानासमोर उभा होता. अचानक जमावातील एका तरूणाने मोठमोठ्या आवाजात शिव्या द्यायला सुरूवात केली. यामुळे दुकानासमोरून जाणाऱ्या लोकांना, दुकानातील ग्राहकांना आणि दुकानदाराला याचा नाहक त्रास झाला. त्यामुळे एका महिलेने त्या तरूणाला "दुकानासमोर शिवी का देतो ?" असा जाब विचारला. त्या महिलेने जाब विचारल्यामुळे जमावातील तरूणाने महिलेसोबत वाद घालायला सुरूवात केली. (Viral Video)
मुंबई : एमपीएससीच्या विद्यार्थ्यांच्या प्रश्नांवरून सध्या सुरू असलेल्या राजकारणावर भाजपचे मुख्य प्रवक्ते नवनाथ बन यांनी विरोधकांवर टीका केली आहे. ...
हे प्रकरण इतक्यावरच थांबले नाही, त्या संतप्त तरूणाने वादामध्ये त्या महिलेवर हात उगारला. हा वाद विकोपाला गेल्यामुळे त्या महिलेची मुलगी, दुकानदार आणि शेजारचे लोकं मध्ये पडले. वादादरम्यान त्या तरूणाने महिलेसह तिच्या मुलीला आणि दुकानदाराला मारहाण केली. दरम्यान, परिसरातील नागरिकांनी मध्यस्थी करून वाद सोडवून घेतला. त्यानंतर जखमी महिला आणि तिच्या कुटुंबीयांनी या घटनेची माहिती पोलिसांना दिली. या प्रकरणी महिलेने
">कोळशेवाडी पोलीस ठाण्यात तक्रार दाखल केली आहे. पोलिसांनी याप्रकरणी एनसीआर नोंद केली असून, घटनेचा पुढील तपास सुरू आहे.