दुबई : भारतीय महिला क्रिकेट संघाने श्रीलंकेचा तब्बल ७२ धावांनी पराभव करत महिला आशिया चषकाचे विक्रमी आठवे विजेतेपद पटकावले. शफाली वर्मा आणि स्मृती मंधाना यांच्या आक्रमक फलंदाजीमुळे भारताने १८३ धावांची मोठी धावसंख्या उभारली. त्यानंतर भारतीय गोलंदाजांनी श्रीलंकेचा डाव १११ धावांत गुंडाळत दणदणीत विजय मिळवला. मात्र या ऐतिहासिक विजयानंतर मैदानावर घडलेला ट्रॉफी सोहळा चर्चेचा विषय ठरला.(Women’s Asia Cup 2026)
ट्रॉफी सोहळ्यात भारताचा मोठा निर्णय
अंतिम सामन्यानंतर एसीसीचे अध्यक्ष आणि पाकिस्तान क्रिकेट बोर्डाचे प्रमुख मोहसिन नक्वी ट्रॉफी प्रदान करण्यासाठी मंचावर उपस्थित होते. मात्र भारतीय महिला संघाने त्यांच्या हस्ते विजेतेपदाची ट्रॉफी स्वीकारली नाही. ट्रॉफी वितरणाचा कार्यक्रमही काही काळ लांबला. भारतीय खेळाडूंनी नक्वी यांच्यापासून अंतर ठेवले आणि अखेर ट्रॉफीशिवायच विजेतेपदाचा आनंद साजरा केला.(Mohsin Naqvi Trophy Controversy)
न्यूयॉर्क: अमेरिकन ओपन टेनिस स्पर्धेच्या अंतिम फेरीत एक अत्यंत रोमहर्षक सामना पाहायला मिळाला. सलग तिसऱ्यांदा अमेरिकन ओपनचे चॅम्पियन बनण्याचे आर्यना ...
बीसीसीआयने आधीच कळवली होती भूमिका?
या निर्णयामागे अचानक घेतलेला निर्णय नसल्याचे आता समोर आले आहे. बीसीसीआयने आशिया चषकाच्या अंतिम सामन्यापूर्वीच एसीसीला भारतीय महिला संघ ट्रॉफी स्वीकारण्याबाबतची आपली भूमिका कळवली होती, असे अहवालात नमूद करण्यात आले आहे. त्यामुळे अंतिम सामन्यानंतर झालेला ट्रॉफी सोहळ्यातील प्रसंग हा पूर्वनियोजित भूमिकेचा भाग असल्याचे स्पष्ट होते.(Women’s Asia Cup 2026)
अमोल मुझुमदार म्हणाले—‘आम्ही भूमिकेसोबत उभे आहोत’
भारतीय महिला संघाचे मुख्य प्रशिक्षक अमोल मुझुमदार यांनी बीसीसीआयच्या भूमिकेला पाठिंबा दिला. संघ एकजुटीने बीसीसीआयच्या निर्णयासोबत असल्याचे त्यांनी स्पष्ट केले. “आम्ही चॅम्पियन आहोत आणि आमचे लक्ष पुढील आव्हानांवर आहे,” अशी भूमिका त्यांनी मांडली. बीसीसीआयचे सचिव देवजीत सैकिया यांनीही या निर्णयामागे राष्ट्रीय भावना आणि सध्याची परिस्थिती असल्याचे सांगितल्याचे वृत्त आहे. भारताने बहुराष्ट्रीय स्पर्धांमध्ये सहभागी होणे आवश्यक असले, तरी ट्रॉफी कोणाकडून स्वीकारायची याबाबत स्वतंत्र भूमिका घेता येते, असा त्यांचा सूर होता.(Mohsin Naqvi Trophy Controversy)
पुरुष संघाच्या भूमिकेची पुनरावृत्ती
महत्त्वाचे म्हणजे, २०२५च्या पुरुष आशिया चषकाच्या अंतिम सामन्यानंतरही भारतीय संघाने मोहसिन नक्वी यांच्या हस्ते ट्रॉफी स्वीकारली नव्हती. त्यावेळीही भारताने ट्रॉफीशिवाय विजेतेपदाचा आनंद साजरा केला होता. २०२६मध्ये महिला संघानेही त्याच भूमिकेची पुनरावृत्ती केल्याने भारत-पाकिस्तान क्रिकेटमधील राजकीय तणाव पुन्हा चर्चेत आला आहे.दरम्यान, मैदानावरील कामगिरीत भारताने मात्र कोणतीही कसर सोडली नाही. शफाली वर्मा, स्मृती मंधाना आणि भारतीय फिरकीपटूंच्या दमदार कामगिरीच्या जोरावर भारताने आठव्यांदा आशिया चषक जिंकला. त्यामुळे ट्रॉफी सोहळ्यापेक्षा मैदानावरील भारताचा ऐतिहासिक विजयच सर्वाधिक ठळक ठरला आहे.
