Nashik : पाकिस्तानमधून भारतात छुप्या मार्गाने माल पाठवण्याचा प्रयत्न महसूल गुप्तचर संचालनालय अर्थात डीआरआयने उधळून लावला आहे. ‘ऑपरेशन डीप मॅनिफेस्ट’अंतर्गत नाशिकमध्ये तब्बल ३६२ मेट्रिक टनांहून अधिक पाकिस्तानी खारीक जप्त करण्यात आली आहे. पाकिस्तानी मालाच्या आयातीवर केंद्र सरकारने बंदी घातली असताना छुप्या मार्गाने भारतात माल पाठविण्याचा पाकिस्तानचा प्रयत्न महसूल गुप्तचर संचालनालयाने (Directorate of Revenue Intelligence) उधळला आहे.(Nashik News)
कंटेनर फ्रेट स्टेशनवर १३ कंटेनर अडवले
अर्थ मंत्रालयाने सोमवारी, १४ सप्टेंबर रोजी प्रसिद्ध केलेल्या पत्रकातून या कारवाईची माहिती दिली. विशिष्ट गुप्त माहितीच्या आधारे डीआरआयच्या अधिकाऱ्यांनी नाशिकमधील अंबड येथील कंटेनर फ्रेट स्टेशनवर मुंबईतील एका कंपनीने आयात केलेले खारीकचे १३ कंटेनर अडवले. हा माल संयुक्त अरब अमिरातीमधील अर्थात यूएईच्या जेबेल अली बंदरातून भारतात आणण्यात आला होता. मात्र, आयात कागदपत्रांमध्ये या मालाचा मूळ उत्पादक देश यूएई असल्याचे नमूद करण्यात आले होते. या मालाची किंमत कोट्यवधी रुपये असल्याचे सांगण्यात येत असून, संबंधित मुंबईस्थित आयातदार कंपनीची चौकशी सुरू करण्यात आली आहे. (Nashik News)
Nashik : सायबर गुन्हेगारीच्या (Cyber Crime) घटनांमध्ये गेल्या काही दिवसांपासून सातत्याने वाढ होत आहे. आता सर्वसामान्य नागरिकच नाही तर कलाकार, उद्योगपती यासंह ...
पाकिस्तानी माल लपवण्यासाठी...
डीआरआयच्या तपासात या मालाचा मूळ देश पाकिस्तान असल्याचे समोर आले आहे. पाकिस्तानी माल असल्याचे लपवण्यासाठी विशेष वाहतूक व्यवस्था आखण्यात आल्याचा संशय आहे. मिळालेल्या माहितीनुसार, ही खारीक पाकिस्तानच्या कराची बंदरातून एका जहाजाद्वारे वेगळ्या कंटेनर संचामध्ये यूएईच्या जेबेल अली बंदरात पाठवण्यात आली होती. जेबेल अली बंदरावर माल पोहोचल्यानंतर तो एका जहाजातून दुसऱ्या जहाजात हलवण्यात आला. त्यानंतर ही खारीक आणखी वेगवेगळ्या कंटेनरमध्ये भरण्यात आली. पुढे पाकिस्तानी नागरिकांकडून चालवल्या जाणाऱ्या कंपन्यांच्या माध्यमातून हा माल भारताकडे पाठवण्यासाठी दुसऱ्या जहाजावर चढवण्यात आला. (Nashik News)
मुंबईतील आयातदार कंपनीची चौकशी
पाकिस्तानमधून येणाऱ्या मालाच्या आयातीवर केंद्र सरकारने बंदी घातलेली असताना, मालाचा मूळ देश लपवून तो यूएईमधून आयात केल्याचे दाखवण्यात आल्याचा संशय आहे. या प्रकरणी डीआरआयकडून संबंधित आयातदार कंपनीच्या व्यवहारांची आणि कागदपत्रांची तपासणी सुरू आहे. ‘ऑपरेशन डीप मॅनिफेस्ट’अंतर्गत झालेल्या या कारवाईमुळे पाकिस्तानी मालाची ओळख लपवून तो भारतात आणण्याचा प्रयत्न उघडकीस आला आहे. पुढील तपासात या प्रकरणातील आणखी माहिती समोर येण्याची शक्यता आहे